អូស្រ្តាលីទទួលផលប្រយោជន៍ច្រើនពីកិច្ចព្រមព្រៀងពាណិជ្ជកម្មសេរីជាមួយចិន
មានការបញ្ចេញមតិថា ប្រទេសអូស្រ្តាលីនឹងទទួលផលប្រយោជន៍ភ្លាមៗ ក្នុងកម្រិតរាប់រយលានដុល្លារ ពីកិច្ចព្រមព្រៀងពាណិជ្ជកម្មសេរីជាមួយនឹងប្រទេសចិន។
អូស្រ្តាលី ជាប្រទេសមួយដែល ខំជំរុញចង់បានឲ្យមានកិច្ចព្រមព្រៀងនេះតាំងពីពេល៨ឆ្នាំមុនមក ម្ល៉េះ។ ឥឡូវនេះ Tony Abbott នាយករដ្ឋមន្រ្តីអូស្រ្តាលី ចង់ឲ្យកិច្ចព្រមព្រៀងនេះសម្រេចឡើងនៅក្នុងរវាងពេល១២ខែ។
លោក Mick Keogh នាយកប្រតិបត្តិមកពីវិទ្យាស្ថានកសិដ្ឋានអូស្រ្តាលី និយាយថា និយាយថា អូស្រ្តាលីចាំបាច់ត្រូវតែជំនះនូវឧបសគ្គធំៗដែលរារាំង ទាំងប៉ុន្មាននោះ ដោយរួមទាំងយុទ្ធសាស្រ្តដែលពាក់ព័ន្ធនឹងការវិនិយោគបរទេសផងដែរ។
យ៉ាងណាមិញ លោក Mick Keogh និយាយថា យោងតាមបទពិសោធន៍របស់នូវ៉ែលហ្សេឡង់ ការលើកទឹកចិត្តដែលទាក់ទាញគឺចេញមកពីការបន្ថយពន្ធពាណិជ្ជកម្មចំនួន ប្រមាណជា៥%។
លោក Mick Keogh ថា ប្រទេសអូស្រ្តាលីនឹងចំណេញ៣៥០លានដុល្លារភ្លាមៗ បើសិនជាប្រទេសនេះធ្វើពាណិជ្ជកម្មសេរីជាមួយចិន៕(Radio Australia)