តួកគីបានទាមទារពីអង្គការអូតង់នូវគ្រាប់មីស្ស៊ីល Patriot ដើម្បីការពារព្រំដែនជាប់នឹងស៊ីរី
នៅថ្ងៃចន្ទទី១៩វិច្ឆិកានេះប្រទេសតួកគីបានប្រកាសឲ្យដឹងអំពីបំណងរបស់ខ្លួន ក្នុងការដាក់សំណើទៅកាន់អង្គការអូតង់ដើម្បីសុំគ្រាប់មីស្ស៊ីលPatriot ទុកសម្រាប់ ការពារព្រំដែនរបស់ខ្លួនជាប់នឹងប្រទេសស៊ីរី។ ព្រំដែនដែលមានប្រវែងជាង ៩០០គីឡូ ម៉ែត្រ និងដែលត្រូវបានទទួលការរំលោភបំពានច្រើនដងនារយៈពេលប៉ុន្មានខែចុង ក្រោយនេះ។នៅក្នុងខាងក្នុងប្រទេសស៊ីរីឯណោះអំពើហិង្សានៅថ្ងៃអាទិត្យ ម្សិលមិញបានបណ្តាលឲ្យស្លាប់មនុស្សយ៉ាង តិច ៥០នាក់ ក្នុងនោះមាន ជនស៊ីវិល២៦នាក់នេះបើយោងតាមតួលេខផ្តល់ដោយអង្គការឃ្លំាមើលសិទ្ធិ មនុស្សស៊ីរី។
នៅមិនទាន់ជាផ្លូវការទេ តែព័ត៌មានជុំវិញគម្រោងដាក់ពង្រាយគ្រាប់មីស្ស៊ីល Patriot នៅតាមបណ្តាយព្រំដែនប្រទេសទួកគីជាប់នឹងស៊ីរីត្រូវបានគេលើកយកមក និយាយកាន់ច្រើនឡើងៗពិសេសតំាងពីមានការបំផ្លាញ F៤-Phantom និងឧប្បវ ហេតុ ជាច្រើនលើក ច្រើនសារនៅតាមព្រំដែនដែលបណ្តាលឲ្យមានមនុស្សស្លាប់ នៅក្នុងទឹកដីតួកគីមក។ មានកាសែតតួកគីមួយចំនួនបានលើកឡើងថា រដ្ឋាភិបាល ទីក្រុងអង់ការ៉ាត្រៀមខ្លួននឹងដាក់សំណើសុំកំាជ្រួចមីស្ស៊ីល Patriot ពីអូតង់នា ពេលឆាប់ៗនេះ។
យ៉ាងណាក៏ដោយកិច្ចចរចាជាបឋមស្តីពីការដាក់ពង្រាយគ្រាប់មីស្ស៊ីលប្រឆំាង មីស្ស៊ីល Patriot ត្រូវបានបញ្ជាក់ដោយរដ្ឋមន្រ្តីក្រសួងការពារជាតិអាមេរិក Leon Panetta និងអគ្គលេខាធិការអង្គការអូតង់ Anders Fogh Rasmussen កាលពី សប្តាហ៍កន្លងទៅ។ លោក Panetta ក៏ដូចជាលោក Rasmussen បានបង្ហាញ ពីការគំាទ្រជាគោលការណ៍របស់ខ្លួនចំពោះគំនិតផ្តួចផ្តើម នេះ។
គោលដៅសំខាន់ គឺដើម្បីប្រឈមទប់នឹងការវាយប្រហារផ្លូវអាកាសពីសំណាក់ ទាហានស៊ីរី និងការគំរាមប្រើប្រាស់អាវុធគីមីជាយថាហេតុ។ ប៉ុន្តែទន្ទឹមគ្នានេះ ការ ដាក់ពង្រាយគ្រាប់មីស្ស៊ីល Patriot ក៏អាចចូលរួមជួយការពារតំបន់ដែលកំពុងរស់នៅ ដោយប្រជាជនស៊ីរីនៅតាមបណ្តោយព្រំដែន ព្រមទំាងក្រុមអ្នកប្រឆំាងនឹង រដ្ឋាភិបាលស៊ីរី៕ (RFI)