រថយន្តដឹកអ្នកដំណើរ បុករថយន្តដឹកខ្សាច់ នៅផ្លូវជាតិលេខ៥ របួសច្រើននាក់
សារព័ត៌មាន Cambodia News/
បាត់ដំបង (២៨ កក្កដា ២០១៦) ៖ កាលពីថ្ងៃទី២៧ ខែកក្កដា ម្សិលមិញ មនុស្ស ប្រុសស្រី ប្រមាណ១០នាក់ បានរងរបួសធ្ងន់ និងស្រាល ក្នុងគ្រោះថ្នាក់ ដែលបង្កឡើង ដោយរថយន្តដឹកអ្នកដំណើរ វីរៈ ប៊ុនថាំ បើកបុកគូថរថយន្តដឹកដី ពីក្រោយ ទាំងកម្រោល ស្ថិតនៅតាមផ្លូវជាតិលេខ៥ ស្រុកមោងឫស្សី ខេត្តបាត់ដំបង។
ក្រោយពី កើតហេតុ កម្លាំងសមត្ថកិច្ចមូលដ្ឋាន បានចុះមកដល់ ហើយបានបញ្ជូន អ្នករងរបួសទៅសង្គ្រោះ នៅមន្ទីរពេទ្យ។ ចំណែករថយន្តដឹកដីបានបើកគេចខ្លួនបាត់។
តាមសាក្សីបាន និយាយថា មុនពេលកើតហេតុ គឺគេឃើញរថយន្ត ១គ្រឿង ដឹកអ្នកដំណើររបស់ ក្រុមហ៊ុនវីរៈ ប៊ុនថាំ បានបើកយ៉ាងលឿន លុះមកដល់ចំណុចកើតហេតុ ខាងលើ ក៏ជ្រុលទៅបុក រថយន្តដឹកដី ពីក្រោយពេញទំហឹង បណ្តាលអោយរងរបួស ធ្ងន់ស្រាល ១០នាក់។
បច្ចុប្បន្ន រថយន្ត ត្រូវបានកម្លាំងអូសយក ទៅរក្សាទុក នៅអធិការដ្ឋានស្រុកមោងឫស្សី រង់ចាំដោះស្រាយគ្នា តាមនីតិវិធី ជាមួយជនរងគ្រោះ៕
បច្ចុប្បន្ន រថយន្ត ត្រូវបានកម្លាំងអូសយក ទៅរក្សាទុក នៅអធិការដ្ឋានស្រុកមោងឫស្សី រង់ចាំដោះស្រាយគ្នា តាមនីតិវិធី ជាមួយជនរងគ្រោះ៕
