ព័ត៌មានជាភាសាខ្មែរ
-
ស្ថានភាពរស់នៅរបស់ពលរដ្ឋបុរីកីឡា
ពលរដ្ឋក្នុងសហគមន៍បុរីកីឡា មានទាំងក្មេងទាំងចាស់ ប្រុសស្រី បានបង្ខំចិត្តបន្តរស់នៅក្នុងប្លុកបុរីកីឡា ដែលខ្លះបានស្នាក់នៅខាងមុខសំយាបផ្ទះរបស់គេ ខ្លះស្នាក់នៅក្រោមជណ្ដើរនៃអាគារក្នុងសហគមន៍បុរីកីឡា បើទោះបីជាកម្លាំងសមត្ថកិច្ចបានឈូសឆាយផ្ទះសម្បែងរបស់ពួកគាត់អស់ក៏ដោយ។ ស្ត្រីឈ្មោះ ជុំ ង៉ាន ដែលជាពលរដ្ឋរស់នៅក្នុងសហគមន៍បុរីកីឡា បាននិយាយថា ពួកគាត់មិនអាចទទួលយកសំណងរបស់ក្រុមហ៊ុនដែលផ្ដល់ឲ្យពលរដ្ឋបាននោះ ទើបពួកគាត់តស៊ូរស់នៅក្នុងតំបន់នេះ។ គាត់បានបន្តថា ការរស់នៅទីនេះបានប្រឈមមុខនឹងបញ្ហាសុខភាពដោយសារក្បែរគំនរសំរាម នាំឲ្យការហូបចុករបស់គាត់គ្មានអនាម័យ ហើយកន្លែងស្នាក់នៅក៏មិនសមរម្យ៕
Read More » -
អ្នកភូមិបុរីកីឡាព្រមានចូលទៅនៅអគារសង់ថ្មីបើនៅតែពុំមានដំណោះស្រាយ
នៅថ្ងៃទី១៦ កុម្ភៈ ២០១២ អ្នកភូមិបុរីកីឡាជាង ១០០គ្រួសារដែលកំពុងរស់នៅក្រោមអគារទី៧ ក្នុងប្លុកបុរីកីឡាបានប្រកាសថា ពួកគេនឹងចូលទៅរស់ក្នុងអគារសង់ថ្មីចំនួន២ របស់ក្រុមហ៊ុនផានអ៊ីម៉ិច ប្រសិនបើក្រុមហ៊ុននៅតែមិនដោះស្រាយបញ្ហារបស់ពួកគេ។ ការប្រកាសនេះធ្វើឡើងនៅក្នុងសន្និសីទសារព័ត៌មានរបស់ប្លុកបុរីកីឡា នៅខាងមុខអគារទី៨ ខណ្ឌ៧មករា។ ហើយអ្នកភូមិបុរីកីឡាបានបន្តថា ក្នុងរយៈពេល ៧ថ្ងៃពួកគេទាំងជាង ១០០គ្រួសារ នឹងចូលទៅរស់នៅអគារសង់ថ្មីចំនួនពីររបស់ក្រុមហ៊ុនផានអ៊ីម៉ិច ដែលសាងសង់រួច។ អ្នកស្រី កែវ…
Read More » -
ទំនប់ទឹកទប់ដើម្បីបូមខ្សាច់លប់តំបន់បឹងកក់បានបាក់លិចផ្ទះពលរដ្ឋជាង៤០ខ្នង
នៅរសៀលថ្ងៃពុធ ទី១៥ កុម្ភៈ ២០១២ ទំនប់ទឹកដែលក្រុមហ៊ុនស៊ូកាគូ ទប់ដើម្បីបូមខ្សច់លប់តំបន់បឹងកក់ស្ថិតក្នុងភូមិ២២ សង្កាត់ស្រះចក ខណ្ឌដូនពេញ បានបាក់ជាថ្មីម្តងទៀតទំហ៊ុំប្រមាណ ១០ម៉ែត្រ។ ក្នុងការបាក់ទំនប់នោះបណ្តាលឲ្យផ្ទះប្រជាពលរដ្ឋនៅភូមិ២២ បានលិចប្រមាណជាង ៤០ខ្នង។ ស្រ្តីភូមិ២២ មួយរូបបានឲ្យដឹងថា ម៉ាស៊ីនដេរច្រើនគ្រឿង ដែលសប្បុរសជនផ្ដល់ឲ្យសហគមន៍បឹងកក់ដេរកាបូប និងសំលៀកបំពាក់សម្រាប់លក់យកកម្រៃ ត្រូវទឹកស្អុយធ្លាយចេញពីទំនប់នោះមកពន្លិចខូចខាតទាំងស្រុង។ ទោះជាយ៉ាងណាអាជ្ញាធរខណ្ឌដូនពេញបានចុះទៅមើលការធ្លាយទំនប់នោះ តែមិនទាន់មានវិធានការដោះស្រាយនៅឡើយ៕
Read More » -
ការដួលសន្លប់កម្មករនៅខេត្តព្រះសីហនុបណ្តាលមកពីពុលថ្នាំគីមី
កាលពីថ្ងៃទី១៣ កុម្ភៈ ២០១២ លោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជា បានចុះទៅពិនិត្យដោយផ្ទាល់ នៅរោងចក្រកាត់ដេរ ណានគូ នៅខេត្តព្រះសីហនុ។ លោក ជា មុនី បានឲ្យដឹងថា តាមការសន្និដ្ឋានដំបូង យើងឃើញថា កម្មករភាគច្រើន ដែលបានដួលសន្លប់ គឺ…
Read More » -
នៅថ្ងៃ១៤ កុម្ភៈយុវវ័យមិនត្រូវប្រព្រឹត្តអំពើពុំគប្បីឡើយ
នៅថ្ងៃ១៤ កុម្ភៈ លោកស្រីស៊ីវ៉ាន់ បុទុម រដ្ឋលេខាធិការក្រសួងកិច្ចការនារីបានមានប្រសាសន៍អំពីការចាត់វិធានការរួមពីស្ថាប័នរដ្ឋដែលពាក់ព័ន្ធទាំងអស់ដើម្បីទប់ស្កាត់និន្នាការរបស់ក្រុមយុវវ័យដែលយកថ្ងៃ១៤កុម្ភៈ បញ្ជាក់ពីក្តីស្រឡាញ់ដោយការរួមភេទ។ លោកស្រីបានបញ្ជាក់ថា សម្រាប់ថ្ងៃបុណ្យនៃក្តីស្រឡាញ់ គឺពលរដ្ឋកម្ពុជាទាំងអស់អាចបង្ហាញពីក្តីស្រឡាញ់ចំពោះឳពុកម្តាយ អ្នកមានគុណ បងម្អូន និងលោកគ្រូ អ្នកគ្រូបជាដើម។ ចំពោះការទប់ស្កាត់និន្នាការនេះ អភិបាលរាជធានីភ្នំពេញបានអំពាវនាវអោយក្រុមយុវវ័យភ្ញាក់រលឹកខ្លួនឯងដោយមិនត្រូវ ប្រព្រឹត្តអំពើពុំគប្បីនៅថ្ងៃ១៤កុម្ភៈនេះឡើយ។ ហើយនៅថ្ងៃនេះអាជ្ញាធរដែនដី សហការជាមួយម្ចាស់ផ្ទះសំណាក់ និងសណ្ឋាគារ…
Read More » -
ពលរដ្ឋបុរីកីឡា ៦នាក់ព្យាយាមចូលជួបសម្ដេច ហ៊ុន សែន ដើម្បីសុំការអន្តរាគមន៍
នៅព្រឹកថ្ងៃទី ១៤ កុម្ភៈ ២០១២ ប្រជាពលរដ្ឋបុរីកីឡា ៦នាក់បាននាំគ្នាជិះម៉ូតូកង់បី សំដៅទៅវេទិការបស់សម្ដេច ហ៊ុន សែន ក្នុងពិធីបើកការដ្ឋានពង្រីកកំណាត់ផ្លូវលេខ៦A នៅចំណុចភូមិខ្ទរ ជាប់ស្ពានទី១ ដើម្បីស្វែងរកការអន្តរាគមន៍ពីសម្តេចជួយដល់ពួកគាត់។ ប៉ុន្តែការព្យាយាមចង់ចូលជួប សម្ដេច ហ៊ុន សែន ដើម្បីសុំការអន្តរាគមន៍ និងរកដំណោះស្រាយដល់ពួកគាត់ ត្រូវបានអាជ្ញាធរមានសមត្ថកិច្ច…
Read More » -
កម្មកររោងចក្រជាង១៣០នាក់នៅខេត្តព្រះស៊ីហនុដួលសន្លប់
នៅថ្ងៃទី១៣ កុម្ភៈ ២០១២ កម្មករ នៅរោងចក្រណានកូ មានទីតាំងក្នុងភូមិភូធឿង សង្កាត់បិតត្រាំង ខណ្ឌព្រៃនប់ ក្រុងព្រះសីហនុ ត្រូវបានដឹកជញ្ជូនទៅសង្គ្រោះនៅមន្ទីរព្យាបាលមួយចំនួននៅក្នុងខេត្ត បន្ទាប់ពីដួលសន្លប់ជាបន្តបន្ទាប់ដោយពុំដឹងពីមូលហេតុច្បាស់លាស់ក្រោយពីបានចូលធ្វើការនៅម៉ោង ៧ព្រឹក ។ កម្មការិនីម្នាក់ឈ្មោះ ឡាវ សុភក្តិ បាននិយាយបន្ទាប់ពីដឹងខ្លួនថា នៅមុនពេលសន្លប់គឺមានក្លិនអាក្រក់ភាយនៅក្នុងរោងចក្រ ពេលនោះនាងក៏ចាប់ផ្តើមទន់ដៃជើង និងល្ហិតល្ហៃក្នុងខ្លួននៅពេលឃើញកម្មករជាច្រើននាក់ទៀតដួលសន្លប់នៅ…
Read More » -
កម្ពុជាកំពុងរៀបចំយុទ្ធសាស្ត្រទប់ស្កាត់វិបត្តិបំណុលធ្ងន់ធ្ងរ
កន្លងមកលោកនាយករដ្ឋមន្ត្រី ហ៊ុន សែន ធ្លាប់បាននិយាយថា លោកនឹងមិនបណ្ដែតបណ្ដោយឲ្យកម្ពុជា ធ្លាក់ចូលក្នុងវិបត្តិធ្ងន់ធ្ងរនៃការជំពាក់បំណុលគេវ័ណ្ឌកនោះទេ។ នៅថ្ងៃទី ១០ កុម្ភៈ ២០១២ ទីស្ដីការគណៈរដ្ឋមន្ត្រី បានសេចក្ដីប្រកាសព័ត៌មានបញ្ជាក់អំពីវិធានការទប់ស្កាត់ការជំពាក់បំណុលគេវ័ណ្ឌកមួយចំនួនដូចជា ១- ត្រូវខ្ចីឥណទានសម្រាប់តែវិស័យអាទិភាព ដើម្បីទ្រទ្រង់កំណើន និងបង្កើតផលិតភាពសេដ្ឋកិច្ច ២- ត្រូវខ្ចីឥណទានក្នុងទំហំសមស្រប ដែលស្ថានភាពថវិកា និងសេដ្ឋកិច្ចកម្ពុជាអាចទ្រាំទ្របាន ៣- ត្រូវប្រើប្រាស់ឥណទានទាំងនោះ…
Read More » -
អ្នកភូមិបុរីកីឡាប្ដឹងក្រុមហ៊ុនផានអ៊ីម៉ិចពីបទរំលោភកិច្ចសន្យា
បន្ទាប់ពីបានតវ៉ាទៅគ្រប់ទីកន្លែងមិនទទួលបានលទ្ធផល នៅថ្ងៃទី ១០ កុម្ភៈ ២០១២ នេះអ្នកភូមិបុរីកីឡាជាង ៩០គ្រួសារបានសម្រេចដាក់ពាក្យបណ្តឹងទៅកាន់តុលាការ។ ដោយប្តឹងប្រធានក្រុមហ៊ុនផានអ៊ីម៉ិច ពីបទរំលោភកិច្ចសន្យា ហើយពួកគេតម្រូវអោយក្រុមហ៊ុនសង់អាគារអោយគ្រប់ចំនួន និងផ្ដល់សំណង ៤លានរៀលក្នុងមួយគ្រួសារ។ លោក យិន សាវ៉ាត ដែលជាមេធាវីម្នាក់ក្នុងចំណោមមេធាវី ៤នាក់ ការពារអោយអ្នកភូមិបុរីកីឡា បានអោយដឹងថា ក្នុងពាក្យបណ្តឹងនោះ…
Read More » -
ការតវ៉ារបស់ពលរដ្ឋអមលាំងរឿងដីធ្លីមិនទាន់មានដំណោះស្រាយ
នៅថ្ងៃទី៩ កុម្ភៈ ២០១២ ប្រជាពលរដ្ឋប្រមាណ ៣០០ នាក់ នៅឃុំអមលាំង ខេត្តកំពង់ស្ពឺ បានលើកគ្នាមកតវ៉ារឿងជម្លោះដីធ្លី នៅតុលាការខេត្តកំពង់ស្ពឺ ពេញមួយថ្ងៃ នៅតែមិនទាន់មានដំណោះស្រាយអ្វីនៅឡើយ។ ប៉ុន្តែពួកគេនឹងបន្តការតវ៉ាមុខតុលាការ និងមុខសាលាខេត្តកំពង់ស្ពឺ នៅព្រឹកថ្ងៃទី១០ កុម្ភៈ ២០១២ ទៀត។ ការតវ៉ានេះគឺដើម្បីទាមទារឲ្យតុលាការ ដោះលែងស្ត្រីអ្នកភូមិម្នាក់…
Read More »