ពលរដ្ឋបុរីកីឡា ៦នាក់ព្យាយាមចូលជួបសម្ដេច ហ៊ុន សែន ដើម្បីសុំការអន្តរាគមន៍
នៅព្រឹកថ្ងៃទី ១៤ កុម្ភៈ ២០១២ ប្រជាពលរដ្ឋបុរីកីឡា ៦នាក់បាននាំគ្នាជិះម៉ូតូកង់បី សំដៅទៅវេទិការបស់សម្ដេច ហ៊ុន សែន ក្នុងពិធីបើកការដ្ឋានពង្រីកកំណាត់ផ្លូវលេខ៦A នៅចំណុចភូមិខ្ទរ ជាប់ស្ពានទី១ ដើម្បីស្វែងរកការអន្តរាគមន៍ពីសម្តេចជួយដល់ពួកគាត់។
ប៉ុន្តែការព្យាយាមចង់ចូលជួប សម្ដេច ហ៊ុន សែន ដើម្បីសុំការអន្តរាគមន៍ និងរកដំណោះស្រាយដល់ពួកគាត់ ត្រូវបានអាជ្ញាធរមានសមត្ថកិច្ច ដែលកំពុងការពារសុវត្ថិភាព សម្ដេចហ៊ុន សែន បានរារាំងមិនឲ្យចូល នឹងមិនមានការចាប់ឃាត់ខ្លួននោះទេ គឺគ្រាន់តែសមត្ថកិច្ចរារាំងពួកគាត់មិនឲ្យចូលទៅវេទិកា នៅលើកំណាត់ផ្លូវជាតិលេខ ៦ តែប៉ុណ្ណោះ៕
