ដេនី ខ្វាន់ ចូលខ្លួនតាមការហៅរបស់ក្រសួងវប្បធម៌ និងវិចិត្រសិល្បៈ
សារព័ត៌មាន Cambodia News/
ដោយ ៖ វត្តី/
ភ្នំពេញ (១៧ ឧសភា ២០១៦) ៖ នៅវេលាម៉ោង៩ព្រឹក ថ្ងៃទី១៧ ខែឧសភា ឆ្នាំ២០១៦ នេះ តារាសិចស៊ី ដេនី ខ្វាន់ បានចូលទៅទទួលការទូន្មាន និងការអប់រំ ពីថ្នាក់ដឹកនាំ ក្រសួងវប្បធម៌ និងវិចិត្រសិល្បៈ ក្រោយនាងបានស្លៀកពាក់សិចស៊ីខ្លាំងពេក ធ្វើអោយប៉ះពាល់ដល់វប្បធម៌ និងតម្លៃស្ត្រីខ្មែរ។
ចូលទៅទទួលការទូន្មាន និងការអប់រំ ពីថ្នាក់ដឹកនាំ ក្រសួងវប្បធម៌ និងវិចិត្រសិល្បៈ ក្រោយពីក្រសួងពិនិត្យឃើញមានការបង្ហោះយ៉ាងព្រោងព្រាត តាមរយៈបណ្តាញទំនាក់ទំនងសង្គម Facebook ដែលធ្វើការទិតៀនពីការស្លៀកពាក់មិនសមរម្យ និងសង្គ្រាមពាក្យសំដីយ៉ាងមុតស្រួចមួយចំនួន របស់កញ្ញា ចំពោះសិល្បករ-សិល្បការិនី រួមទាំងមហាជនទូទៅផង។
គួរបញ្ចាក់ថា ក្រោយទទួលរងការរិះគន់យ៉ាងខ្លាំង តាមបណ្តាញសង្គមហ្វេសប៊ុក ព្រមទាំងមានការរិះគន់ ពីសិល្បះករដូចគ្នាដែរផងនោះ នាពេលថ្មីៗនេះនាង ដេនី ខ្វាន់ បានបង្ហោះវីដេអូចុងក្រោយមួយ នៅលើបណ្តាញសង្គមរបស់នាង បង្ហាញពីការទទួលស្គាល់កំហុសឆ្គងលើបញ្ហា ដែលនាងបានស្លៀកសិចស៊ីកាលពីកន្លងមក៕
