Cambodia News
-
ព័តមានអន្តរជាតិ
លោក Xi Jinping ប្រធានរដ្ឋចិនផ្ញើសារលិខិតអបអរសាទរចំពោះការបង្កើតអង្គការទិន្នន័យសកល
Cambodia News ថ្ងៃទី៣០ខែមីនា លោក Xi Jinping ប្រធានរដ្ឋចិនបានផ្ញើសារលិខិតអបអរសាទរចំពោះការបង្កើតអង្គការទិន្នន័យសកល។ លោក Xi Jinping បានគូសបញ្ជាក់ថា បច្ចុប្បន្ននេះសកលលោកកំពុងពន្លឿនការបោះជំហានចូលយុគសម័យបញ្ញាសិប្បនិម្មិត តួនាទីជាំធនធានមូលដ្ឋាននិងកម្លាំងចលករខាងនវានុវត្តន៍នៃទិន្នន័យត្រូវបានរំលេចឡើងពីមួយថ្ងៃទៅមួយថ្ងៃ ។ អង្គការទិន្នន័យសកលដែលមានវត្ថុបំណង “បំពេញគម្លាតខាងទិន្នន័យ បញ្ចេញតម្លៃនៃទិន្នន័យ ស្តារភាពរុងរឿងនៃសេដ្ឋកិច្ចឌីជីថល ” បានផ្តល់ជាវេទិកាមានអំណោយផលដើម្បីធ្វើឱ្យស៊ីជម្រៅនូវកិច្ចសហប្រតិបត្តិការអន្តរជាតិខាងទិន្នន័យ និងធ្វើឱ្យអភិបាលកិច្ចទិន្នន័យសកលមានសុក្រឹតភាព។ លោក Xi Jinping បានគូសបញ្ជាក់ថា ប្រទេសចិននឹងប្រកាន់ខ្ជាប់នូវទស្សនៈរួមគ្នា ពិភាក្សារួមគ្នា កសាងនិងចែករំលែកជាមួយគ្នា គាំទ្រអង្គការទិន្នន័យសកលឱ្យដើរតួនាទីរបស់ខ្លួន ធ្វើការជាមួយបណ្តាភាគីនានាដើម្បីប្រមូលផ្តុំគំនិតឯកភាពរួមផ្នែកបទប្បញ្ញត្តិអភិបាលកិច្ចទិន្នន័យ ជំរុញនវានុវត្តន៍ឌីជីថល បញ្ញាសិប្បនិម្មិតនិងបច្ចេកទេស ក៏ដូចជារបៀបរៀបរយនៃលំហូរសុវត្ថិភាពទិន្នន័យនិងការអភិវឌ្ឍការប្រើប្រាស់ប្រកបដោយប្រសិទ្ធិភាពខ្ពស់ ផ្តល់សេវាសម្រាប់ការអភិវឌ្ឍសេដ្ឋកិច្ចឌីជីថលសកលឱ្យបានល្អប្រសើរ ធ្វើឱ្យភាគលាភនៃទិន្នន័យផ្តល់ផលប្រយោជន៍កាន់តែល្អដល់ប្រជាជននៃប្រទេសនានា៕
Read More » -
ព័តមានអន្តរជាតិ
បទវិភាគ៖ពីទីក្រុងប៉ូអាវដល់ទីក្រុងសិនជិន៖ដំណើរឆ្ពោះទៅរកការកសាងសហគមន៍រួមអាស៊ី-ប៉ាស៊ីហ្វិកតាមរយៈភាពបើកទូលាយ
Cambodia News កិច្ចប្រជុំប្រចាំឆ្នាំ ២០២៦ នៃវេទិកាប៉ូអាវសម្រាប់អាស៊ីមានសារសំខាន់មិនធម្មតា ពោលគឺ វាត្រូវបានប្រារព្ធធ្វើឡើងខណៈដែលឆ្នាំនេះជាឆ្នាំចាប់ផ្តើមនៃការអនុវត្តផែនការអភិវឌ្ឍន៍ជាតិ ៥ ឆ្នាំទី ១៥ របស់ចិន ហើយនៅចំពេលថ្ងៃគម្រប់ ១០០ថ្ងៃ នៃការដាក់ឱ្យដំណើរការប្រតិបត្តិការគយពិសេសនៃកំពង់ផែពាណិជ្ជកម្មសេរីហៃណាន ថែមទាំងក៏ជាខួបទី ២៥ នៃការបង្កើតវេទិកានេះផងដែរ ។ ក្រឡេកទៅមើលប៉ុន្មានឆ្នាំកន្លងទៅនេះ មូលហេតុដែលតំបន់អាស៊ីបានក្លាយជាតំបន់ដែលមានភាពរស់រវើកបំផុតនៅទូទាំងពិភពលោក បទពិសោធដ៏សំខាន់មួយនោះគឺ ប្រកាន់ខ្ជាប់នូវការបើកទូលាយនិងកិច្ចសហប្រតិបត្តិការ ។ បច្ចុប្បន្ននេះ ស្ថានការណ៍សកលបាននិងកំពុងពោរពេញទៅដោយភាពមិនប្រាកដប្រជា ការប៉ះទង្គិចខាងភូមិសាស្ត្រនយោបាយមានសភាពកាន់តែតានតឹង ការគាំពារនិយមផ្នែកពាណិជ្ជកម្មងើបឡើងវិញ ហើយសន្ទុះកម្លាំងនៃកំណើនសេដ្ឋកិច្ចពិភពលោក មានភាពទន់ខ្សោយ ។ ក្នុងបរិបទបែបនេះ កិច្ចប្រជុំប្រចាំឆ្នាំលើកនេះបានធ្វើឡើងក្រោមប្រធានបទ«បង្កើតអនាគតរួម៖ស្ថានការណ៍ថ្មី កាលានុវត្តភាពថ្មីនិងកិច្ចសហប្រតិបត្តិការថ្មី»ដែលមានភាពស៊ីសង្វាក់គ្នាជាមួយការរំពឹងទុករបស់អ្នកផងទាំងពួង ។ តើបង្កើតអនាគតរួមតាមរបៀបណា ? ក្នុងវេទិកានេះ ប្រទេសចិនបានលើកឡើងថា យើងត្រូវ”ពួតដៃគ្នាកសាងសហគមន៍វាសនារួមសម្រាប់មនុស្សជាតិដើម្បីបង្កើតអនាគតល្អបវរមួយដែលប្រកបដោយភាពសុខសាន្ត សុខដុមរមនា សច្ចយុត្តិធម៌ គោរពរាប់អានគ្នានិងជឿទុកចិត្តគ្នាទៅវិញទៅមក”ដែលបានធ្វើឱ្យអង្គប្រជុំមានចំណាប់អារម្មណ៍និងប្រតិកម្ម យ៉ាងខ្លាំង ។ មជ្ឈដ្ឋានខាងក្រៅបានយកចិត្តទុកដាក់យ៉ាងទូលំទូលាយថា គោលការណ៍សំខាន់នៃផែនការអភិវឌ្ឍន៍ជាតិ ៥ ឆ្នាំទី ១៥ របស់ប្រទេសចិនបានធ្វើការរៀបចំចាត់ចែងជាពិសេសចំពោះការពង្រីកការបើកទូលាយចំពោះបរទេសប្រកបដោយកម្រិតខ្ពស់ ។ ក្នុងរយៈពេល ៥ ឆ្នាំខាងមុខ តើប្រទេសចិនដែលកាន់តែមានភាពបើកទូលាយនឹងនាំមកនូវកាលានុវត្តភាពថ្មីនិងកិច្ចសហប្រតិបត្តិការថ្មីអ្វីខ្លះ ? ទីផ្សារគឺជាធនធានដ៏កម្របំផុត ។ ប្រទេសចិនមានប្រជាជនចំនួនជាង ១ ពាន់ ៤ រយលាននាក់និងក្រុមប្រជាជនចំណូលមធ្យមដែលមានទ្រង់ទ្រាយដ៏ធំបំផុតនិងរីកចម្រើនលឿនបំផុតលើពិភពលោក ដែលបានបង្កប់នូវសក្តានុពលនៃតម្រូវការក្នុងស្រុកដ៏ធំធេង ។ របាយការណ៍ការងាររដ្ឋាភិបាលចិនក្នុងឆ្នាំនេះបានចាត់ទុក”ការខិតខំប្រឹងប្រែងកសាងទីផ្សារក្នុងស្រុកដ៏ខ្លាំងក្លា”ជាភារកិច្ចចម្បង ដែលបានពង្រីកលំហទីផ្សារសម្រាប់ពិភពលោក ។ សំខាន់ជាងនេះទៅទៀត ក្នុងបរិបទដែលគាំពារនិយមផ្នែកពាណិជ្ជកម្មបានងើបឡើងវិញជាបន្តបន្ទាប់ ភាពបើកទូលាយរបស់ប្រទេសចិនបានក្លាយជាភាពប្រាកដប្រជាដែល ពិភពលោកអាចក្តាប់ជាប់បាន ។ ប៉ុន្មានឆ្នាំចុងក្រោយនេះ ពីការលើកលែងទិដ្ឋាការដោយឯកតោភាគីដល់ការធ្វើឱ្យបរិយាកាសប្រកបអាជីវកម្មមានសុក្រឹតភាព ពីការប្រកាន់ខ្ជាប់ពាណិជ្ជកម្មសេរីដល់ការតភ្ជាប់នឹងក្រឹត្យក្រមខាងសេដ្ឋកិច្ចនិងពាណិជ្ជកម្មអន្តរជាតិដែលមានស្តង់ដារខ្ពស់ ប្រទេសចិនបាននិងកំពុងចែករំលែកកាលានុវត្តភាពជាមួយបណ្តាប្រទេសនានាតាមរយៈសកម្មភាពជាក់ស្តែងលើវិស័យការពង្រីកការបើកទូលាយដោយម្ចាស់ការ ។ ខេត្តហៃណានគឺជាឧទាហរណ៍ដ៏សំខាន់មួយ ពោលគឺ ពីខែមករាដល់ខែកុម្ភៈ ឆ្នាំ ២០២៦ ការនាំចេញ-នាំចូលរបស់ខេត្តហៃណានជាមួយប្រទេសស្ថាបនិកចំនួន ២៨ នៃវេទិកាប៉ូអាវសម្រាប់អាស៊ី មានចំនួនសរុប ១៧១៧០ លានយាន់ប្រាក់ចិន បានកើនឡើង ២៨,១ ភាគរយបើប្រៀបធៀបនឹងរយៈពេលដូចគ្នានៃឆ្នាំ ២០២៥ ដែលស្មើនឹង ៣៣,៧ ភាគរយនៃទំហំនាំចេញ-នាំចូលផ្នែកពាណិជ្ជកម្មអន្តរជាតិសរុបរបស់ខេត្តហៃណានក្នុងរយៈពេលដូចគ្នាព្រមទាំងបានជំរុញឱ្យការនាំចេញ-នាំចូលផ្នែកពាណិជ្ជកម្មអន្តរជាតិរបស់ខេត្តហៃណានកើនឡើង៩,៤ ភាគរយ ។ កិច្ចប្រជុំប្រចាំឆ្នាំ ២០២៦ នៃវេទិកាប៉ូអាវសម្រាប់អាស៊ីមិនត្រឹមតែបាននាំមកនូវព្រឹត្តិការណ៍គំនិតប៉ុណ្ណោះទេ ថែមទាំងជាសក្ខីភាពនៃកិច្ចសហប្រតិបត្តិការជាក់ស្តែងកាន់តែច្រើនផងដែរ ។ អ្វីដែលជាការគួរឱ្យរំពឹងទុក គឺប្រទេសចិននឹងរៀបចំធ្វើកិច្ចប្រជុំក្រៅផ្លូវការលើកទី ៣៣ នៃថ្នាក់ដឹកនាំអង្គការសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិកនៅក្រុងសិនជិននៅខែវិច្ឆិកា ឆ្នាំ ២០២៦ ខាងមុខនេះដើម្បីជំរុញកិច្ចកសាង”សហគមន៍រួមអាស៊ី-ប៉ាស៊ីហ្វិក”ឱ្យត្រូវបានអនុវត្តប្រកបដោយភាពកាន់តែជាក់ស្តែងនិងស៊ីជម្រៅ ។ ពីទីក្រុងប៉ូអាវដល់ទីក្រុងសិនជិន ប្រទេសចិនបានបញ្ជាក់ម្តងហើយម្តងទៀតតាមរយៈការអនុវត្តជាក់ស្តែងថា៖ការចែករំលែកកាលានុវត្តភាពនិងបង្កើតអនាគតរួមជា មួយពិភពលោកគឺជាការប្រកាន់ខ្ជាប់របស់ចិនដែលមិនកែប្រែជានិច្ច ៕
Read More » -
ព័ត៌មានជាភាសាខ្មែរ
សង្គមស៊ីវិលកម្ពុជានិងចិន រួមគ្នារៀបចំព្រឹត្តិការណ៍ជិះកង់ទេសចរណ៍ក្នុងតំបន់អង្គរ
Cambodia News (សៀមរាប) ព្រឹកថ្ងៃទី២៨ ខែមីនា ឆ្នាំ២០២៦ ព្រឹត្តិការណ៍ជិះកង់ទេសចរណ៍ កម្ពុជា–ចិន ត្រូវបានរៀបចំឡើង ក្រោមកិច្ចសហការយ៉ាងជិតស្និទ្ធរវាងសមាគមមិត្តភាពកម្ពុជា–ចិន និង មូលនិធិចិន Peaceland ដោយមានគោល បំណងសំខាន់ក្នុងការលើកកម្ពស់ទំនាក់ទំនងមិត្តភាពប្រជាជននិងប្រជាជន កម្ពុជា-ចិន ព្រមទាំងជំរុញការអភិវឌ្ឍ វិស័យទេសចរណ៍ វប្បធម៌ និងសេដ្ឋកិច្ចឱ្យកាន់តែរីកចម្រើន…
Read More » -
ព័តមានអន្តរជាតិ
លោកDing Xuexiangអញ្ជើញចូលរួមពិធីបើកកិច្ចប្រជុំប្រចាំឆ្នាំ២០២៦នៃវេទិកាZhongguancunនិងថ្លែងសុន្ទរកថា
Cambodia News ថ្ងៃទី២៥ ខែមីនា កិច្ចប្រជុំប្រចាំឆ្នាំ២០២៦នៃវេទិកាZhongguancunបានបើកធ្វើនៅក្រុងប៉េកាំង។លោកDing Xuexiangឧបនាយករដ្ឋមន្ត្រីចិនបានអញ្ជើញចូលរួមពិធីបើកនិងថ្លែងសុន្ទរកថា។ លោកDing Xuexiangបានលើកឡើងថា ក្នុងអំឡុងពេលអនុវត្ត “ផែនការ៥ឆ្នាំទី១៥” ប្រទេសចិននឹងពន្លឿនការជំរុញភាពឯករាជ្យម្ចាស់ការក្នុងការអភិវឌ្ឍវិទ្យាសាស្ត្រនិងបច្ចេកវិទ្យាដោយកម្រិតខ្ពស់ ផ្តោតសំខាន់ទៅលើការកសាងមជ្ឈមណ្ឌលនវានុវត្តន៍វិទ្យាសាស្ត្រនិងបច្ចេកវិទ្យាអន្តរជាតិ។ តំបន់ប៉េកាំង-ធានជីន-ហឺប៉ី តំបន់ដីសណ្តទន្លេយ៉ាងសេនិងមហាតំបន់ឈូងសមុទ្រក្វាងទុង-ហុងកុង-ម៉ាកាវ គឺជាកម្លាំងចលករសំខាន់ទាំងបីសម្រាប់ការអភិវឌ្ឍប្រកបដោយគុណភាពខ្ពស់របស់ប្រទេសចិន ដូច្នេះយើងត្រូវប្រមូលផ្តុំកម្លាំងផ្តោលើការអភិវឌ្ឍនៃតំបន់ទាំង៣នេះ ដើម្បីជំរុញការកសាងមជ្ឈមណ្ឌលនវានុវត្តន៍វិទ្យាសាស្ត្រនិងបច្ចេកវិទ្យាអន្តរជាតិឱ្យឆ្ពោះទៅរកការអភិវឌ្ឍតាមរយៈការធ្វើសមាហរណកម្មតំបន់ និងកសាងសមត្ថភាពច្នៃប្រឌិតថ្មីផ្នែកវិទ្យាសាស្ត្រនិងបច្ចេកវិទ្យា សមត្ថភាពនាំមុខក្នុងវិស័យឧស្សាហកម្មកម្រិតខ្ពស់ សមត្ថភាពប្រមូលផ្តុំធនធានផ្នែកបច្ចេកវិទ្យានិងធនធានមនុស្ស…
Read More » -
ព័ត៌មានជាភាសាខ្មែរ
កម្ពុជា-ចិនធ្វើបាឋកថាស្តីពី “ប្រទេសចិនក្នុងនិឃាទរដូវ ផែនការ៥ឆ្នាំលើកទី១៥” បន្ថែមកម្លាំងដល់កិច្ចកសាងសហគមន៍ជោគវាសនារួម ក្នុងយុគសម័យថ្មី
Cambodia News ភ្នំពេញ៖ រសៀលថ្ងៃទី២៤ ខែមីនា ឆ្នាំ២០២៦ បាឋកថាសំខាន់មួយក្រោមប្រធានបទ “ប្រទេសចិនក្នុងនិឃាទរដូវ ផែនការ៥ឆ្នាំលើកទី១៥ បន្ថែមកម្លាំងដល់កិច្ចកសាងសហគមន៍ជោគវាសនារួម កម្ពុជា–ចិន គ្រប់រដូវកាល ក្នុងយុគសម័យថ្មី” ត្រូវបានរៀបចំឡើងដោយសមាគមមិត្តភាពកម្ពុជា–ចិន សមាគមអ្នកស្រាវជ្រាវវឌ្ឍនភាពកម្ពុជា–ចិន និងវិទ្យុមិត្តភាពកម្ពុជា–ចិន។ គោលបំណងពង្រឹង ការយល់ដឹង និងជំរុញកិច្ចសហប្រតិបត្តិការរវាងប្រទេសយើងទាំងពីរ កម្ពុជានិងចិន…
Read More » -
ព័តមានអន្តរជាតិ
បទវិភាគ៖គោលការណ៍សំខាន់នៃផែនការអភិវឌ្ឍន៍ជាតិ៥ឆ្នាំទី១៥ជាផែនទីចង្អុលបង្ហាញផ្លូវសម្រាប់ការអភិវឌ្ឍចិន ហើយក៏ជាកាលានុវត្តភាពថ្មីសម្រាប់ការអភិវឌ្ឍសកលផងដែរ
Cambodia News ក្នុងកិច្ចប្រជុំប្រចាំឆ្នាំ២០២៦នៃវេទិកាជាន់ខ្ពស់ស្តីពីការអភិវឌ្ឍរបស់ចិនដែលបើកធ្វើនៅថ្ងៃទី ២២ ខែមីនា លោក Li Qiang សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន និងជានាយករដ្ឋមន្ត្រីចិន លោក Han Wenxiu អនុប្រធានការិយាល័យនៃគណៈកម្មាធិការសេដ្ឋកិច្ចនិងពាណិជ្ជកម្មមជ្ឈិមចិនទទួលបន្ទុកងារប្រចាំថ្ងៃ និងជាប្រធានការិយាល័យនៃក្រុមដឹកនាំការងារជនបទមជ្ឈិមចិន ព្រមទាំងភ្ញៀវកិត្តិយសផ្សេងទៀត បានថ្លែងសុន្ទរកថាគន្លឹះជុំវិញផែនការអភិវឌ្ឍន៍ជាតិ៥ឆ្នាំទី១៥ ដែលបានបង្ហាញនូវការបេ្តជ្ញាចិត្តដ៏មុតមាំរបស់ចិនក្នុងការជំរុញការអភិវឌ្ឍប្រកបដោយគុណភាពខ្ពស់ និងការចែករំលែកកាលានុវត្តភាពអភិវឌ្ឍន៍ជាមួយពិភពលោក ហើយបានប្រមូលផ្តុំគំនិតឯកភាពរួមយ៉ាងទូលំទូលាយសម្រាប់ការអភិវឌ្ឍក្នុងអំឡុងពេលអនុវត្តផែនការអភិវឌ្ឍន៍ជាតិ៥ឆ្នាំទី១៥ ។ ថ្លែងក្នុងសុន្ទរកថា លោក…
Read More » -
ព័ត៌មានជាភាសាខ្មែរ
ក្រុមគ្រូពេទ្យស្មគ្រចិត្តកម្ពុជា-ចិន ចុះពិនិត្យសុខភាពបេះដូងជូនសិស្សវិចិត្រសិល្បៈជាង ៧០០នាក់
Cambodia News (ភ្នំពេញ)៖ ក្រុមគ្រូពេទ្យស្មគ្រចិត្តកម្ពុជា-ចិននៅព្រឹកថ្ងៃទី២០ ខែមីនា ឆ្នាំ២០២៦ បានរៀបចំកម្មវិធីមនុស្សធម៌ចុះពិនិត្យសុខភាពបេះដូងដោយឥតគិតថ្លៃ ជូនដល់សិស្សានុសិស្សចំនួន ៧៣០នាក់ នៅសាលាមធ្យមសិក្សាវិចិត្រសិល្បៈ ។ សកម្មភាពនេះរួមមាន ការត្រួតពិនិត្យសម្ពាធឈាម ការស្កេនបេះដូង និងការផ្តល់ប្រឹក្សាផ្នែកអាហារូបត្ថម្ភ។ លោក ហេង កំសាន្ត នាយកសាលាមធ្យមសិក្សាវិចិត្រសិល្បៈ បានថ្លែងអំណរគុណយ៉ាងជ្រាលជ្រៅ…
Read More » -
ព័ត៌មានជាភាសាខ្មែរ
ប្រធាន គ ជ ប៖ អតីតយុទ្ធជន និងនិវត្តជន គឺជាជនដែលមានស្នាដៃ និងគុណបំណាច់ចំពោះជាតិ មាតុភូមិ
Cambodia News ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត ថ្លែងថា អតីតយុទ្ធជន និងនិវត្តជន គឺជាជនដែលមានស្នាដៃ និងគុណបំណាច់ចំពោះជាតិ មាតុភូមិ ដែលរាជរដ្ឋាភិបាល និងសង្គមជាតិបានយកចិត្តទុកដាក់ផ្តល់កិត្តិយស លើកទឹកចិត្ត ផ្តល់នូវរបបគោលនយោបាយសមស្របតាមស្ថានភាពសេដ្ឋកិច្ច ព្រមទាំងបានជួយឧបត្ថម្ភគាំទ្រខាងស្មារតី និងសម្ភារ។ ក្នុនពិធីប្រកាសដាក់ឱ្យដំណើរការគណៈកម្មាធិការសមាគមអតីតយុទ្ធជន និងនិវត្តជនកម្ពុជា…
Read More » -
ព័ត៌មានជាភាសាខ្មែរ
សាលាដំបូងរាជធានីភ្នំពេញសម្រេចឃុំខ្លួនមនុស្ស ៦៥នាក់ ពាក់ព័ន្ធករណី Online Scam
Cambodia news (ភ្នំពេញ)៖ តំណាងអយ្យការអមសាលាដំបូងរាជធានីភ្នំពេញ នៅថ្ងៃទី១៩ ខែមីនា ឆ្នាំ២០២៦ នេះ បានសម្រេចចោទប្រកាន់ និងបង្គាប់ឱ្យឃុំខ្លួនបណ្តោះអាសន្នលើជនត្រូវចោទ សរុបចំនួន ៦៥នាក់ ក្នុងនោះមានជនជាតិចិន៨នាក់ និងជនជាតិខ្មែរ៥៧នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា Online Scam។ គួររម្លឹកថា ជនសង្ស័យទាំង៦៥នាក់នេះ ត្រូវបានសមត្ថកិច្ច…
Read More » -
ព័ត៌មានជាភាសាខ្មែរ
ឯកឧត្តម ទេព អស្នារិទ្ធ ៖ ការផ្សាយរូបភាពឃោរឃៅនៅលើបណ្តាញសង្គម ជាការរំលោភលើក្រមសីលធម៌ សិទ្ធិឯកជន និងសេចក្តីថ្លៃថ្នូររបស់មនុស្សជាតិយ៉ាងធ្ងន់ធ្ងរ
Cambodia News ភ្នំពេញ៖ អ្នកនាំពាក្យបានបន្តថា ក្រសួងបានតាមដានយ៉ាងយកចិត្តទុកដាក់ចំពោះការផ្សាយ ចែករំលែកវីដេអូ ឬរូបភាពនៃករណីឃាតកម្ម និងគ្រោះថ្នាក់ចរាចរណ៍ ដែលបង្ហាញរូបភាពតក់ស្លុត ដូចជាមានឈាម របួស ឬការស្លាប់ជាដើម ឬហិង្សានៅលើបណ្តាញសង្គម ដូចជា Facebook និង TikTok ជាដើម រួមទាំងមានប្រភពមកពីអ្នកសារព័ត៌មានមួយចំនួនផងដែរ។ ការផ្សាយ…
Read More »