ទណ្ឌិត ៣៣៩នាក់ នឹងត្រូវបានដោះលែងនិងបន្ធូរបន្ថយទោសក្នុងថ្ងៃបុណ្យពិសាខបូជា
សារព័ត៌មាន Cambodia News/
ភ្នំពេញ (១២ ឧសភា ២០១៤) ៖ ទណ្ឌិត៣៣៩នាក់ នឹងត្រូវដោះលែងនិងបន្ធូរបន្ថយទោសក្នុងថ្ងៃបុណ្យពិសាខបូជា នៅថ្ងៃទី ១៣ ឧសភា ខាងមុខ។ នេះបើតាមការបញ្ជាក់ពីលោក សំ ប្រជាមានិត្យ នាយកខុទ្ទកាល័យ និងជា អ្នកនាំពាក្យនៃក្រសួងយុត្តិធម៌។
លោក សំ ប្រជាមានិត្យ បានបន្តថា ក្នុងចំណោមអ្នកទោសដែល ត្រូវដោះលែងទាំងអស់ មាន ៣៥នាក់ត្រូវដោះលែងទាំងស្រុង ៨៧នាក់បន្ធូរបន្ថយ១២ខែ ៥៩នាក់ បន្ធូរបន្ថយ៩ខែ និង១៥៨នាក់ផ្សេងទៀត បន្ថួរបន្ថយ រយៈពេល៦ខែ។ ការសម្រេចដោះលែង និងបន្ធូបន្ថយនេះ គឺធ្វើតាមការសម្រេចកិច្ចប្រជុំនៃគណៈកម្មការជាតិត្រួត ពិនិត្យការបន្ធូរបន្ថយទោស និងលើក លែងទោសទណ្ឌិត ៕
