អង្គភាពប្រឆាំងអំពើពុករលួយនឹង លុបបំបាត់ នូវការសូកលុយ ក្រោមតុ និងការសូកប៉ាន់នានា
ភ្នំពេញ៖ ថ្លែងនៅក្នុងសិក្ខាសាលាស្តីពី ការវាយតម្លៃ និងត្រួតពិនិត្យលើកិច្ចខិតខំប្រឹងប្រែងប្រយុទ្ធប្រឆាំងអំពើពុករលួយ រយៈពេល០២ថ្ងៃ នាព្រឹកថ្ងៃទី៩ ខែតុលា ឆ្នាំ២០១៣នេះ នៅសណ្ឋាគារឡឺរ៉ូយ៉ាល់លោក ឱម យិនទៀង ទេសរដ្ឋមន្ត្រី និងជាប្រធានអង្គភាពប្រឆាំងអំពើពុករលួយ បានមានប្រសាសន៍ថា អង្គភាពប្រឆាំងអំពើពុករលួយនឹងខិតខំលុបបំបាត់ឱ្យអស់នូវការសូកលុយ ក្រោមតុ និងការសូកប៉ាន់នានាមានចរិតជាបទល្មើសពុករលួយដែលមានចែងក្នុងច្បាប់ ហើយអ្នកដែលមានខ្លួនត្រូវលាងសម្អាតឱ្យហើយ នៅក្នុងអាណត្តិទី៥នេះ។
សិក្ខាសាលាដែលនឹងត្រូវបិទបញ្ចប់នៅថ្ងៃស្អែកនេះ ធ្វើឡើងក្នុងគោលបំណង បង្ហាញពីបទពិសោធន៍យុទ្ធសាស្ត្រប្រឆាំងអំពើពុករលួយកម្រិតតំបន់ និងពិភពលោក ពិភាក្សាពីយុទ្ធសាស្ត្រប្រឆាំងអំពើពុករលួយនៅប្រទេស កម្ពុជា។
បង្ហាញពីគោលការណ៍សំខាន់ៗសម្រាប់វាយតម្លៃ និងត្រួតពិនិត្យលើកិច្ចខិតខំប្រឹងប្រែងប្រឆាំងអំពើពុករលួយប្រកបដោយ ប្រសិទ្ធភាព។ បង្ហាញវិធីសាស្ត្រក្នុងការវាយតម្លៃសម្រាប់កិច្ចអន្តរាគមន៍លើការ ប្រឆាំងអំពើពុករលួយប និង ង្កើនការយោគយល់ នឹងសម្របសម្រួលរវាងរដ្ឋាភិបាល សង្គមស៊ីវិល វិស័យឯកជន ដៃគូអភិវឌ្ឍន៍ ផ្នែកសិក្សាធិការ និងតំណាងសាព័ត៌មានជុំវិញការប្រឆាំងអំពើពុករលួយ៕ Cambodia News
