សាន សុម៉ាលី ចង់បានប្តី
Cambodia News
ព័ត៌មានកម្សាន្ត
ភ្នំពេញ៖ តារាសម្តែងដែលនិយមបង្ហាញដើមទ្រូងដ៏សិចស៊ីកញ្ញា សាន សុម៉ាលី អះអាងថា ពេលនេះ នាងគ្មានអ្នកណាស្រលាញ់នោះទេ ហើយនាងថែមទាំងនិយាយបែបលេងសើចថា «សព្វថ្ងៃ ពិបាកចិត្តចង់បានប្តីស្ទើរស្លាប់ទៅហើយ មិនដឹងថាពេលណាមាននឹងគេ ព្រោះអ្នកសិល្បៈមួយចំនួនបានរៀបការច្រើនហើយ» ។
ភាពស្ងប់ស្ងាត់នៅក្នុងអាជីពសិល្បៈរបស់តារាសម្តែងនាង សាន សុម៉ាលី បាននាំឲ្យលេចឮថា នាងកំពុងលាក់ខ្លួនពួនសំងំសាងស្នេហ៍យ៉ាងផ្អែមល្ហែម ជាមួយបុរសអាណិកជនខ្មែរ អូស្ត្រាលីម្នាក់ ដែលមានវ័យជាង៤០ឆ្នាំ យ៉ាងស្ងាត់កំបាំង។
ទោះយ៉ាងណា កញ្ញា សាន សុម៉ាលី បានបញ្ជាក់តាមទូរស័ព្ទកាលពីពេលកន្លងទៅ ឲ្យដឹងថា ការចុះផ្សាយពីរឿងដែលលេចឮថា នាងកំពុងមានស្នេហាជាមួយបុរសអណិកជនខ្មែរនៅអូស្ត្រាលីនោះ មិនមែនជាការពិតទេ។ សុម៉ាលី បានលើកឡើងទាំងសើចតិចៗថា «មានឯណាបង! បើមែន សប្បាយចិត្តស្លាប់ហើយ គេចេះតែថាទេ តើខ្ញុំលាក់ធ្វើអី បើបានសង្សារអ្នកមានមែន ខ្ញុំប្រាកដជាបង្ហាញឲ្យមហាជនដឹងមិនខាន» ។
ទន្ទឹមនឹងការច្រានចោលព័ត៌មានថា មិនមានជាប់ពាក់ព័ន្ធស្នេហាឆ្លងទ្វីបនោះ សាន សុម៉ាលី បានសម្តែងការមិនសប្បាយចិត្ត ចំពោះបណ្តាញព័ត៌មានក្នុងស្រុកមួយចំនួន។ នាងបានលើកឡើងថា « មានពេលខ្លះ អ្នកព័ត៌មានមួយចំនួនចុះផ្សាយរឿងរបស់ខ្ញុំ មិនទាំងបានធ្វើបទសម្ភាសជាមួយខ្ញុំផង ដោយគេអះអាងថា ទូរស័ព្ទមកខ្ញុំមិនចូលជាដើម ប៉ុន្តែ ខ្ញុំមិនដែលដូរលេខទូរស័ព្ទនោះទេ ហើយព័ត៌មានខ្លះ ខ្ញុំពិបាកនឹងទទួលយកបានណាស់»៕ ស.រ
