សម្តេចតេជោ ៖ ដាច់ខាតមិនមានការចុះហត្ថលេខាស្នើលើកលែងទោសឲ្យ មេបក្សប្រឆាំង
សារព័ត៌មាន Cambodia News/
ភ្នំពេញ (២៣ សីហា ២០១៦) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានព្រមានជាថ្មីម្តងទៀតថា សម្តេចនឹងមិនចុះហត្ថលេខាស្នើលើកលែងទោសឲ្យប្រធានគណបក្សប្រឆាំង ដែលកំពុងនិរទេសខ្លួនទៀតឡើយ ជុំវិញការប្រមាថយ៉ាងធ្ងន់ធ្ងដល់សម្តេចនិងគ្រួសារសម្តេច។
សម្តេចតេជោ ហ៊ុន សែន បានប្រសាសន៍បែបនេះ ក្នុងឱកាសអញ្ជើញជាអធិបតីភាពក្នុង វេទិកាស្តីពីការការពារនិងអភិរក្សធនធានធម្មជាតិនៅវិមានសន្តិភាព កាលពីព្រឹកថ្ងៃទី២២ ខែសីហា ឆ្នាំ២០១៦។
ក្នុងឱកាសនោះ សម្តេចតេជោ ហ៊ុន សែន ក៏បានរំលឹកភាពឈឺចាប់ រឿងគេប្រមាថសម្តេចកិត្តិព្រឹទ្ធបណ្ឌិតថាជាប្រពន្ធមេដឹកនាំវៀតណា ម ឡេដឹកថ និងប្រមាថលោក ហ៊ុន ម៉ាណែត ថាជាកូនរបស់ ឡេដឹក ថ។
សម្ដេចតេជោ បានបង្ហាញអារម្មណ៍សោកស្តាយដោយអមនឹងទឹកភ្លែករលីងរលោង នៅពេលរលឹកដល់ការឈឺចាប់ រឿងការប្រមាថ សម្តេចកិត្តិព្រឹទ្ធបណ្ឌិត និងកូនប្រុសរបស់សម្តេចបែបនេះ៕
