កម្មករជាង ៥០រោងចក្រចេញតវ៉ាប្រឆាំងការដំឡើងប្រាក់ខែ
ភ្នំពេញ៖ នៅថ្ងៃទី២៥ ខែធ្នូរនេះ កម្មករនៅតាមបណ្តារោងចក្រប្រមាណជាជិត ៥០ តាមបណ្តាខេត្ត និងរាជធានីបានពុះកញ្រ្ជោលផ្អាកការងារ និងផ្ទុះការតវ៉ាជាបណ្តើរៗ ប្រឆាំងទៅនឹងការសម្រេចតម្លើងប្រាក់ឈ្នួលអប្បបរមាតែ ១៥ ដុល្លារកាលពីថ្ងៃអង្គារម្សិលមិញ។
-
កម្មករ តវ៉ានៅទីលានប្រជាធិបតេយ្យនៅព្រឹកថ្ងៃពុធនេះទាមទារឲ្យដំឡើងប្រាក់ឈ្នួលដល់ទៅ១៦០ដុល្លារ។ ប្រធាន សម្ព័ន្ធសហជីពចលនាកម្មករ លោក ប៉ាវ ស៊ីណា បានឲ្យអ្នកសារព័ត៌មានដឹងថា កម្មករនៅរោងចក្រចំនួន ៤៨ ដែលកំពុងធ្វើការតវ៉ាដូចជានៅក្នុងទីក្រុងភ្នំពេញ កំពង់ចាម កំពង់ឆ្នាំង កំពង់ស្ពឺ ស្វាយរៀង និងខេត្តកណ្តាល។
លោក ប៉ាវ ស៊ីណា បានបន្តថា ប្រសិនបើខាងរោងចក្រ និងស្ថាប័នពាក់ព័ន្ធមិនមានការចរចារជាថ្មីម្តងទៀតទេនោះ កំហឹងកម្មករនឹងកាត់តែផ្ទុះខ្លាំងឡើង ហើយការតវ៉ានឹងរីករាលដាលទូទាំងប្រទេសនៅពេលខាងមុខដ៏ខ្លីនេះ៕ Cambodia News
