ស្លាប់ ៣នាក់របួស ៦នាក់ក្នុងករណីគ្រោះថ្នាក់ចរាចរណ៍
ភ្នំពេញ ៖ នៅថ្ងៃទី២៥ ធ្នូ ២០១២ នាយកដ្ឋាន សណ្ដាប់ធ្នាប់ នៃអគ្គស្នងការដ្ឋាននគរបាលជាតិបានឲ្យដឹងថា មានករណីគ្រោះថ្នាក់ចរាចរណ៍បានកើតឡើងចំនួន៧លើកបណ្ដាលឲ្យ មានមនុស្ស៣នាក់បានស្លាប់ រងរបួសធ្ងន់៥នាក់ របួសស្រាលម្នាក់។
ប្រភព ដដែលបញ្ជាក់ថា ក្នុងគ្រោះថ្នាក់ចរាចរណ៍ខាងលើ បង្កឲ្យខូចខាត យានយន្តសរុប១០គ្រឿងក្នុងនោះម៉ូតូ៥គ្រឿង រថយន្តធុនស្រាល៣គ្រឿង រថយន្តធុនធ្ងន់១គ្រឿង និងយានផ្សេងៗ១គ្រឿង។
មូល ហេតុដែលបណ្ដាលឲ្យមានគ្រោះថ្នាក់ គឺមកពីល្មើសល្បឿន២លើក កត្តាយានយន្ត១លើក បត់គ្រោះថ្នាក់១លើក ប្រជែងគ្រោះថ្នាក់១លើក ស្រវឹង១លើក ថ្មើរជើង២នាក់ និងមិនពាក់មួក៣នាក់៕
ដោយ៖ ហេង នាង
