លោកហ៊ុន សែន អំពាវនាវឲ្យប្រជាពលរដ្ឋបង្កើនការប្រុងប្រយ័ត្នចំពោះគ្រោះទឹកជំនន់
ដោយ៖ ហេង នាង
Cambodia News
ភ្នំពេញ៖ កាលពីថ្ងៃទី៧ តុលា ២០១២ ព្យុះហ្គាអេមី ដែលជាព្យុះទី២០បានបោកបក់មកលើប្រទេសកម្ពុជាក្នុងឆ្នាំនេះ បានបន្ថយឥទ្ធិពលរបស់ខ្លួនហើយ ដែលបណ្តាលឲ្យខេត្តក្រុងមួយចំនួនរងនូវទឹកជំនន់ ដូចជា ក្នុងខេត្តពោធិ៍សាត់ និងនៅស្រែពក ខេត្តរតនគិរី ជំនន់ទឹកភ្លៀងបានហូរកាត់ថ្នល់។
លោកនាយក រដ្ឋមន្ត្រី ហ៊ុន សែន បានមានប្រសាសន៍ថា បើទោះបីខ្យល់ព្យុះហ្គាអេមី បានឆ្លងផុតពីប្រទេសកម្ពុជានៅពេលនេះ ក៏ប៉ុន្តែប្រជាពលរដ្ឋ និងអាជ្ញាធរ ត្រូវតែបង្កើនការប្រុងប្រយ័ត្នចំពោះព្យុះភ្លៀង ដែលបង្កជាទឹកជំនន់នៅតំបន់មួយចំនួន ជាពិសេសប្រជាពលរដ្ឋនៅតំបន់ដែលទឹកភ្លៀងជន់លិច និងតាមដងទន្លេ។
សូមបញ្ជាក់ថា តាមការព្យាករណ៍របស់ក្រសួងធនធានទឹក និងឧតុនិយមថ្មីៗនេះ បានឲ្យដឹងថា ប្រទេសកម្ពុជានឹងជួបព្យុះមួយទៀតគឺព្យុះ ព្រះភារុណ។ ចំណែកតួលេខអ្នកស្លាប់ដោយសារគ្រោះទឹកជំនន់ក្នុងឆ្នាំនេះមាន១៨ នាក់ហើយ៕
