គ.ជ.ប.នឹងប្រកាសលទ្ធផលផ្លួវការបន្ទាប់ពីក្រុមបឹក្សាធម្មនុញ្ញដោះស្រាយបណ្តឹងចប់
ភ្នំពេញ៖ គណកម្មាធិការជាតិរៀបចំការបោះឆ្នោត(គ.ជ.ប)អះអាងថា ថាខ្លូន នឹងប្រកាសលទ្ធផលផ្លួវការបោះឆ្នោតបន្ទាប់ពីក្រុមបឹក្សាធម្មនុញ្ញ ដោះស្រាយបណ្តឹងចប់។
យោងទៅតាមសេចក្តីប្រកាសព័ត៌មានចុះថ្ងៃទី២០ ខែសីហា ឆ្នាំ២០១៣ ស្តីអំពីការដោះស្រាយបណ្តឹងតវ៉ាទៅនឹងលទ្ធផលបណ្តោះអាសន្ននៃការ បោះឆ្នោតបានឲ្យដឹងថា គណបក្សនយោបាយ ជាដើមបណ្តឹងមានសិទ្ធិប្តឹងតវ៉ាជាលាយលក្ខណ៍អក្សរ ទៅក្រុមប្រឹក្សាធម្មនុញ្ញក្នុងរយៈពេល ៧២ម៉ោង យ៉ាងយូរ បន្ទាប់ពីបានទទួលលិខិតជូនដំណឹង ឬទម្រង់សេចក្តីសម្រេចបដិសេធទៅតាមនីតិវិធីរបស់ ក្រុមប្រឹក្សាធម្មនុញ្ញ។
ប្រភពដដែលបានឲ្យដឹងថា ផ្អែកតាមស្តីពី ការបោះឆ្នោតជ្រើសតាំងតំណាងរាស្ត្រ និងច្បាប់ស្តីពីវិសោធនកម្ម នៃច្បាប់នេះ និងប្រតិទិននៃការបោះឆ្នោតជ្រើសតាំងតំណាងរាស្ត្រនីតិកាលទី៥ គ.ជ.ប នឹងប្រកាសផ្សាយលទ្ធផលផ្លូវការនៃការបោះឆ្នោត ការបែងចែកអាសនៈ និងការកំណត់បេក្ខជនជាប់ឆ្នោត បន្ទាប់ពីក្រុមប្រឹក្សាធម្មនុញ្ញ ដោះស្រាយបណ្តឹងចប់ជាស្ថាពរ៕ Cambodia News
