ការធ្វើសមយុទ្ធចម្រុះកងទ័ពរំដោះប្រជាជនចិនគឺជាការព្រមានចំពោះទង្វើបង្កហេតុចង់ឱ្យតៃវ៉ាន់ឯករាជ្យនៃអាជ្ញាធរ Lai Qingde

Cambodia News/

ថ្ងៃទី ១ ខែមេសា លោកស្រី Zhu Fenglian អ្នកនាំពាក្យនៃការិយាល័យកិច្ចការ តៃវ៉ាន់នៃក្រុមប្រឹក្សាកិច្ចការរដ្ឋចិនបានថ្លែងថា យោធភូមិភាគខាងកើតនៃកងទ័ព រំដោះប្រជាជនចិនធ្វើសមយុទ្ធចម្រុះជុំវិញកោះតៃវ៉ាន់ជាការដាក់ពិន័យយ៉ាងម៉ឺងម៉ាត់ចំពោះទង្វើបង្កហេតុចង់ឱ្យតៃវ៉ាន់ឯករាជ្យយ៉ាងគឃ្លើននៃ អាជ្ញាធរLai Qingde ជាការព្រមានយ៉ាងម៉ឺងម៉ាត់ចំពោះកម្លាំងអបគមន៍ដែលចង់ឱ្យតៃវ៉ាន់ឯករាជ្យដែលបំផ្លាញសន្តិភាពច្រកសមុទ្រតៃវ៉ាន់ដោយចេតនា ហើយក៏ជាវិធានការដ៏ចាំបាច់សម្រាប់គាំពារអធិបតេយ្យភាពជាតិនិងបូរណភាពទឹកដីផងដែរ។

លោកស្រី Zhu Fenglian បានសង្កត់ធ្ងន់ថា អ្វីដែលត្រូវចង្អុលបង្ហាញនោះគឺ វិធានការតបតវិញរបស់យើងគឺសំដៅទៅលើសកម្មភាពអបគមន៍ដែលចង់ឱ្យតៃវ៉ាន់ ឯករាជ្យ តែមិនមែនសំដៅចំពោះបងប្អូនជនរួមជាតិតៃវ៉ាន់ទាំងអស់ឡើយ។ សង្ឃឹមថា បងប្អូនជនរួមជាតិតៃវ៉ាន់ទាំងឡាយអាចឈរនៅជ្រុងដ៏ត្រឹមត្រូវនៃ ប្រវត្តិសាស្រ្ត ធ្វើជាជនជាតិចិនដ៏ស្មោះត្រង់ ដឹងច្បាស់ពីខុសនិងត្រូវ ប្រព្រឹត្តទៅ តាមសច្ចធម៌ ធ្វើការជាមួយបងប្អូនជនរួមជាតិមហាដីគោក ប្រឆាំងយ៉ាងដាច់ខាង ចំពោះការបំបែកបំបាក់ដែលចង់ឱ្យតៃវ៉ាន់ឯករាជ្យ និងការជ្រៀតជ្រែកពីកម្លាំង ខាងក្រៅ គាំពារយ៉ាងមុតមាំនូវស្រុកកំណើតរួមរបស់ប្រជាជាតិចិន ដើម្បីរួមគ្នា កសាង អនាគតដ៏ល្អបវរដែលប្រទេសជាតិបង្រួបបង្រួម ប្រជាជាតិស្តារឡើងវិញ៕