ក្លិបអ្នកកាសែតកម្ពុជា នឹងរៀបចំវេទិកាសារព័ត៌មានពិសេស ជាមួយក្រុមប្រឹក្សាអភិវឌ្ឍកម្ពុជា
សារព័ត៌មាន Cambodia News/
ភ្នំពេញ ៖ ក្លិបអ្នកកាសែតកម្ពុជា (ក.អ.ក) សូមជម្រាបជូនអ្នកសារព័ត៌មានជាតិ និងអន្តរជាតិ មេត្តាជ្រាបថា នៅ ថ្ងៃទី៣ ខែឧសភា ឆ្នាំ២០២៤ ដោយចាប់ផ្តើមពីម៉ោង ៩,០០នាទីព្រឹក ដល់ម៉ោង១២,០០នាទីថ្ងៃត្រង់ ក.អ.ក នឹងរៀបចំវេទិកាសារព័ត៌មានពិសេសមួយដោយអញ្ជើញ ឯកឧត្តម ស៊ុន ចាន់ថុល ឧបនាយករដ្ឋមន្ត្រីអនុប្រធានទី១ ក្រុមប្រឹក្សាអភិវឌ្ឍកម្ពុជា ធ្វើបទបង្ហាញអំពីការខិតខំប្រឹងប្រែងរបស់ក្រុមប្រឹក្សាអភិវឌ្ឍកម្ពុជា ក្នុងការអូសទាញវិនិយោគ និងអំពីផែនការរួមទាំងសមិទ្ធផលសំខាន់ៗរបស់រាជរដ្ឋាភិបាលអាណត្តិទី៧។
ទន្ទឹមនោះ ឯកឧត្តមឧបនាយករដ្ឋមន្ត្រី នឹងរំលេចពីវឌ្ឍនភាពនៃព្រែកជីកហ្វូណន-តេជោ រួមទាំងផលប្រយោជន៍សំខាន់ៗដែលកម្ពុជានឹងទទួលបានពីព្រែកជីកជាប្រវត្តិសាស្ត្រនេះ។
ក.អ.ក ចាត់ទុកវេទិកាសារព័ត៌មាននេះមានសារសំខាន់ណាស់សម្រាប់អ្នកសារព័ត៌ដែលកំពុងចង់ស្វែងយល់អំពីបច្ចុប្បន្នភាពនៃវឌ្ឍនភាពគម្រោងព្រែកជីកហ្វូណន-តេជោ។
សូមជម្រាបជូនថា វេទិកាសារព័ត៌មានខាងលើនេះ នឹងរៀបចំធ្វើនៅអគារទីស្នាក់ការក្រុមប្រឹក្សាអភិវឌ្ឍ កម្ពុជា (CDC) ស្ថិតនៅផ្លូវព្រះស៊ីសុវត្ថិ សង្កាត់វត្តភ្នំ ខណ្ឌដូនពេញ រាជធានីភ្នំពេញ។
ដោយសារទីកន្លែងសម្រាប់រៀបចំវេទិកាមានកំណត់ សូមអ្នកសារព័ត៌មាន មេត្តាចុះឈ្មោះចូលរួមជាមុនតាមរយៈលេខទូរស័ព្ទ និងតេទ្បេក្រាម ៖ ០១២ ៨៩ ៥៨ ៥២ / ០១៧ ៣៩៧ ២៩៤ / ០៧៧ ៤៨០ ១៧១៕
