សម្តេចតេជោ ៖ វ៉ាក់សាំង Astra Zeneca របស់ចក្រភពអង់គ្លេសនឹងប្រើសម្រាប់ដូសទី៣ឬដូសជំរុញ
សារព័ត៌មាន Cambodia News/
ប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន បានបញ្ជាក់ថា ៖ វ៉ាក់សាំង Astra Zeneca ដែលជាជំនួយមនុស្ស ធម៌ដ៏ថ្លៃថ្លារបស់ប្រជាជននិងរដ្ឋាភិបាលនៃចក្រភពអង់គ្លេសនឹងត្រូវប្រើប្រាស់ក្នុងយុទ្ធនាការចាក់វ៉ាក់សាំងបង្ការជំងឺកូវី១៩ សម្រាប់ដូសទី៣ ឬដូសជំរុញ ។
សម្តេចតេជោ ហ៊ុន សែន បានថ្លែងបែបនេះនៅក្នុងពិធីប្រគល់ទទួលអំណោយដ៏ថ្លៃថ្លាវ៉ាក់សាំងកូវីដ១៩( Astra Zeneca)ពីរដ្ឋាភិបាលនិងប្រជាជននៃចក្រភពអង់គ្លេសជូនរាជរដ្ឋាភិបាលនិងប្រជាជននសព្រះរាជាណាចក្រកម្ពុ ជាដើម្បីទប់ស្កាត់ការរីករាលដាលជំងឺកូវីដ១៩ នាថ្ងៃទី៥ ខែសីហា ២០២១នៅព្រលានយន្តហោះអន្តរជាតិភ្នំពេញ។
ជាមួយគ្នានេះដែរសម្តេចតេជោ ហ៊ុន សែន បានស្នើសុំឲ្យចក្រភពអង់គ្លេសបន្តផ្តល់ជំនួយជាវ៉ាក់សាំងដល់កម្ពុជាក៏ដូចជាជួយសម្របសម្រួលកម្ពុជាក្នុងការបញ្ជា ទិញវ៉ាក់សាំង Astra Zeneca បន្ថែមទៀតដើម្បីបំពេញសេចក្តីត្រូវការចាំបាច់នៅពេលខាងមុខ ។
ក្នុងឱកាសនេះផងដែរសម្តេចតេជោ ហ៊ុន សែន ក៏បានអំពាវនាវដល់ប្រជាពលរដ្ឋកម្ពុជាគ្រប់រូបសូមចូលរួមសហការយ៉ាងសកម្មនិងពេញលេងជាមួយរាជរដ្ឋា ភិបាលក្នុងការប្រយុទ្ធនិងការពារជំងឺកូវីដ១៩ ដោយអនុវត្តនិងប្រកាន់ខ្ជាប់នូវវិធានការសុខាភិបាលជាពិសេសវិធានការ ៣ការពារ និង៣កុំ នឹងចូលរួមនៅក្នុងយុទ្ធនា ការចាក់វ៉ាក់សាំងដើម្បីការពារសុវត្ថិភាពសុខភាពក៏ដូចជាសុខុមាលភាពរបស់គ្រួសារសហគមន៍និងសង្គមជាតិ៕
