ការប្រមាញ់អតីតនាយករដ្ឋមន្ត្រីយីងឡាក់ ផ្តោតលើប្រទេសចំនួន៦
សារព័ត៌មាន Cambodia News/
ថៃ (៣០ សីហា ២០១៧) ៖ លោកនាយករដ្ឋមន្ត្រី ប្រាយុទ្ធ ចាន់អូចា និយាយកាលពីថ្ងៃចន្ទទី២៨សីហាថា ក្រសួងការបរទេសបានស្វែងរកកិច្ចសហប្រតិបត្តិការតាមរយៈបណ្តាញទូតជាមួយប្រទេសចំនួន ៦ និងពិនិត្យមើលចំណុចអន្តោប្រវេសន៍តាមបណ្តោយព្រំដែនថៃដើម្បីស្វែងរកលោកស្រីយីងឡាក់ដែលបានភៀសខ្លួនចេញពីព្រះរាជាណាចក្រថៃ ភ្លាមៗមុនពេលសាលក្រមត្រូវបានប្រកាសអំពីករណីគម្រោងសន្យាទិញស្រូវអង្ករកាលពីសប្តាហ៍មុន។
អាជ្ញាធរថៃបានទាក់ទងប្រទេសកម្ពុជា ឡាវ មីយ៉ាន់ម៉ា វៀតណាម សិង្ហបុរី និងអារ៉ាប់រួមអេមីរ៉ាតក្នុងការប្រមាញ់អតីតនាយករដ្ឋមន្ត្រីយីងឡាក់ស៊ីណាវ៉ាត់ ខណៈពួកគេជឿថា លោកស្រីបានធ្វើដំណើរឆ្លងកាត់ប្រទេសទាំងនេះដើម្បីគេចខ្លួន។
ទីកន្លែងលក់ខ្លួនបច្ចុប្បន្នរបស់លោកស្រីយីងឡាក់នៅតែជាអាថ៌កំបាំង ចាប់តាំងពីលោកស្រីមិនបានបង្ហាញខ្លួននៅតុលាការកំពូលកាលពីថ្ងៃសុក្រដើម្បីស្តាប់សេចក្តីសម្រេចចុងក្រោយលើការចោទប្រកាន់លោកស្រីពីបទមិនយកចិត្តទុកដាក់លើភាពមិនប្រក្រតីក្នុងគម្រោងសន្យាទិញស្រូវអង្ករដែលបណ្តាលឱ្យខាតថវិការដ្ឋរាប់ពាន់លានបាត ៕
