យុវជនម្នាក់បានបង្ហោះសារសុំទោសរួច ក៏ទៅបញ្ចប់ជីវិត
សារព័ត៌មាន Cambodia News/
ភ្នំពេញ (០២ កុម្ភៈ ២០១៧) ៖ យុវជនម្នាក់ខឹងម្តាយស្តីបន្ទោសខ្លាំង រឿងបំផ្លាញលុយកាក់ក្នុងផ្ទះ បានចង.កសម្លាប់ខ្លួននៅនឹងដើមក្រខុប ធ្វើឲ្យមានការភ្ញាក់ផ្អើលកាលពីវេលាម៉ោង០៨ព្រឹកថ្ងៃទី០២ កុម្ភៈ ស្ថិតត្រង់ចំណុចដីឡូត៍ក្នុងភូមិត្រពាំងល្វាសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ប្រភពឱ្យដឹងថា ជនរងគ្រោះឈ្មោះប៉ាត់ រតនា ហៅអាវ៉ា អាយុ៣០ឆ្នាំ រស់នៅផ្ទះលេខ១២B ភូមិកើតហេតុ មានម្តាយឈ្មោះប៉ាត់ វាសនា អាយុ៤៨ឆ្នាំ ជាតួល្ខោន និងជាអ្នកលក់ដូរផងដែរ ។
មុនពេលកើតហេតុ ជនរងគ្រោះបានដើរចេញពីក្នុងផ្ទះបាត់ រួចក៏បង្ហោះសារបណ្តាំមួយនៅលើ Facebook មុនទៅចង.កសម្លាប់ខ្លួនទៀតថា «RIP វាជិតដល់ពេលសម្រាប់ខ្ញុំហើយ ថ្ងៃណាមួយអ្នកគ្រប់គ្នានឹងយល់ពីអារម្មណ៍របស់ខ្ញុំ នៅពេលណាមួយ ពេលវេលាមកដល់ អ្នកនឹងដឹងច្បាស់ថា អ្វីទៅសំខាន់ជាងលុយ ដែលអ្នកខំកេងទុក ហើយអ្វីដែលខ្ញុំអាចធ្វើបាននោះ គឺអោយសំណងនោះទៅលោកទាំងអស់ ក្រុមគ្រួសារទាំងអស់ មិនបាច់ចំណាយមួយរៀលណាឡើយ សំរាប់ធ្វើឱ្យខ្ញុំ» ។
លុះដល់ព្រឹក (ម៉ោងកើតហេតុ) ក៏ស្រាប់តែត្រូវពលរដ្ឋនៅជិតផ្ទះប្រាប់ថា ឃើញជនរងគ្រោះចង.កស្លាប់នៅក្រោមដើមក្រខុបបាត់ទៅហើយ ។ ពាក់ព័ន្ធករណីលើនេះដែរ តាមជំនាញបានធ្វើកោសល្យវិច័យ ពិនិត្យទៅគឺមិនមានពាក់ព័ន្ធករណីឃាតកម្មនោះទេ៕
