សម្តេចតេជោ ធ្វើដំណើរទស្សនៈកិច្ចផ្លូវការ ទៅកាន់ទីម័រឡេស្តេ
សារព័ត៌មាន Cambodia News/
ភ្នំពេញ (១៩ សីហា ២០១៦) ៖ សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី១៩ ខែសីហា នេះ បានដឹកនាំគណប្រតិភូជាន់ខ្ពស់កម្ពុជា ចាកទៅកាន់ សាធារណៈរដ្ឋប្រជាធិបតេយ្យទីម័រឡេស្តេ ដើម្បីបំពេញទស្សនៈកិច្ចផ្លូវការ និងចូលរួមអបអរខួបលើកទី៤១ នៃការបង្កើតកងកំលាំងរំដោះជាតិ ទីម័រឡេស្តេ ដែលប្រព្រឹត្តិទៅនាថ្ងៃទី១៩ ដល់ថ្ងៃទី២០ ខែសីហា ឆ្នាំ២០១៦។
ក្នុងអំឡុងទស្សនៈកិច្ចផ្លូវការនេះ សម្តេចតេជោ ហ៊ុន សែន នឹងជួបចរចារទ្វេរភាគី ជាមួយឯកឧត្តមបណ្ឌិត រ៉ុយ ម៉េរៀដេអារ៉ុយចូ ហើយបន្ទាប់មកនាយករដ្ឋមន្ត្រី ទាំង២ នឹងអញ្ជើញជាអធិបតីរួមគ្នា ក្នុងពិធីចុះហត្តលេខា លើឯកសារចំនួន៣,ទី១ កិច្ចព្រមព្រៀងក្របខណ្ឌ ស្តីពីកិច្ចសហប្រតិបត្តិការបច្ចេកទេស និងសេដ្ឋកិច្ច។
ទី២-កិច្ចព្រមព្រៀង ស្តីពីការលើកលែងទិដ្ឋាការ សំរាប់អ្នកកាន់លិខិតឆ្លងដែនការទូត និងលិខិតឆ្លងដែនផ្លូវការ និងទី៣ អនុស្សារណៈនៃការយោគយល់គ្នាពាក់ពន្ធ័នឹងកិច្ចសហប្រតិបត្តិការលើវិស័យការងារ ។នាយករដ្ឋមន្ត្រី នៃប្រទេសទាំង២ ក៏នឹងធ្វើសន្និសីទសារព័ត៌មានរួមគ្នា។
សម្តេចតេជោ ហ៊ុនសែន ក៏នឹងជួបសំណេះសំណាលជាមួយ សហគមន៍កម្ពុជា នៅទីម័រឡេស្តេនេះផងដែរ។នៅរសៀលថ្ងៃទី២០ ខែសីហាស្អែកនេះ សម្តេចនឹងអញ្ជើញចូលរួមអបអរខួបលើកទី៤១ នៃការបង្កើតកងកំលាំងរំដោះជាតិទីម័រឡេស្តេ ដែលប្រព្រឹត្តិទៅក្រសួងការពារជាតិទីម័រឡេស្តេ៕
