សកម្មភាពលក់ផ្កាកុលាប និងវត្ថុអនុស្សាវរីយ៍តាមដងផ្លួវនៅភ្នំពេញនាថ្ងៃទិវានៃក្តីស្រឡាញ់
សារព័ត៌មាន Cambodia News/
អត្ថបទ៖ ហេង នាង/
ភ្នំពេញ (១៦ កុម្ភៈ ២០១៥) ៖ បើទោះបីជាទិវានៃក្តីស្រឡាញ់ ឬអ្នកខ្លះនៅតែហៅថា បុណ្យសង្សា មិនមែនជាពិធីបុណ្យប្រពៃណីខ្មែរ និងបុណ្យជាតិយ៉ាង ណាក៏ដោយ ក៏យុវជនខ្មែរមួយចំនួន ត្រូវបានគេមើលឃើញថា ពួកគេមានការពេញចិត្ត និងសប្បាយរីករាយបង្ហាញក្តី ស្រឡាញ់ ព្រមទាំងប្រារព្ធទិវានោះ ដោយអ្នកខ្លះមិនដឹង និងមិនស្គាល់ច្បាស់ពីអត្ថន័យនៃពិធីបុណ្យនេះពិតប្រាកដក៏ដោយ។
រាល់ពេលដល់ថ្ងៃ១៤កុម្ភៈជារៀងរាល់ឆ្នាំ យុវជនពិសេស សិស្សសាលា តែងនាំគ្នាទិញផ្កា ឬ ទិញវត្ថុអនុស្សាវរីយ៍ផ្សេងៗជូនគ្នាដើម្បីបង្ហាញការស្រឡាញ់ ចំពោះនរណាម្នាក់ ហើយនៅថ្ងៃទី១៤ ខែកុម្ភៈ ឆ្នាំ២០១៥នេះ ក៏មិនខុសប្លែកពីបណ្តាឆ្នាំមុនៗដែរ គឺផ្កាកុលាបពណ៌ស ក្រហម លឿង និងពណ៌ផ្កាឈូក បានដាក់លក់តាមដងផ្លួវហូរហែ។
នៅក្នុងសង្គមខ្មែរបច្ចុប្បន្ន គឺយុវជនយើងមានការចាប់អារម្មណ៍ច្រើនទៅលើថ្ងៃ១៤កុម្ភៈដែលយុវជនមួយក្រុមគាត់ឲ្យតម្លៃថាថ្ងៃ១៤កុម្ភៈហ្នឹងគឺជាថ្ងៃនៃសេចក្តីស្រលាញ់ ដែលពួកគាត់ហ្នឹងត្រូវតែធ្វើនូវសកម្មភាពអ្វីមួយដែលបង្ហាញពីសេចក្តីស្រលាញ់ ដូចជាការបរិភោគអាហារជួនជុំគ្រួសារ ការដើរកំសាន្តជាដើម។
ជារៀងរាល់ឆ្នាំនៅថ្ងៃទី១៤ ខែកុម្ភៈ ដែលគេនិយមហៅថា ជាថ្ងៃបុណ្យ សង្សារ ដែលឆ្លងមកពីបរទេសនោះ ត្រូវបាន គេមើលឃើញថា មានក្រុមយុវជន យុវនារីបានតាំងលក់ផ្កាកូលាបចម្រុះពណ៌នៅតាមដងផ្លូវនានាក្នុងរាជធានីភ្នំពេញ ដោយផ្កាកុលាបដែលលក់នៅថ្ងៃទី១៤ ខែកុម្ភៈនេះ ក្នុង ១ដើមតម្លៃ១ដុល្លារ ឬក៏៥ពាន់រៀល។
តាមពិតថ្ងៃ វ៉ាឡិនថានឬទិវានៃសេចក្ដីស្រឡាញ់នេះ វាក៏មិនប្រាកដជាថ្ងៃនៃសេចក្ដីស្រឡាញ់ដែលមានចំពោះគូសង្សារនោះ ទេ តែវាជាបុណ្យនៃសេចក្ដីស្រឡាញ់នៅទូទាំងពិភពលោក ដែលមានឪពុកម្ដាយ លោកគ្រូអ្នកគ្រូ បងប្អូន មិត្ដភក្ដិគ្រប់គ្នាដូច្នេះសូម ឱ្យយុវជនទាំងអស់កុំយល់ច្រឡំជាបុណ្យនៃសេចក្ដីស្រឡាញ់ចំពោះតែគូសង្សារ៕
