ថៃ បានធ្វើការ បោះឆ្នោត ព្រឹទ្ធសភា
សារព័ត៌មាន Cambodia News/
បាងកក (៣១ មិនា ២០១៤) ៖ ទីភ្នាក់ងារព័ត៌មានចិន ស៊ិនហួនៅថ្ងៃអាទិត្យ ទី៣០ ខែមីនាបានចេញផ្សាយថា ការ បោះឆ្នោតព្រឹទ្ធសភា របស់ថៃបានចាប់ផ្តើមនៅព្រឹកថ្ងៃអាទិត្យ ដោយគ្មានការរំខាន ពី ក្រុម បាតុករដែលប្រឆាំងនឹងរដ្ឋាភិបាល នៅ ឡើយទេ។ ការបោះឆ្នោតបានចាប់ផ្តើមនៅម៉ោង៨ព្រឹក ម៉ោងក្នុងស្រុកនៅស្ថានីយ៍បោះឆ្នោត ទាំងអស់នៅក្នុង ខេត្តចំនួន ៧៧ ទូទាំងប្រទេសរួមទាំងរាជធានីបាងកក ហើយត្រូវបានកំណត់ ដើម្បីបញ្ចប់ការបោះឆ្នោតនៅម៉ោង ៣រសៀល ។
ការបោះឆ្នោតនេះត្រូវបានគេរំពឹងថា នឹងបំពេញអាសនៈនៃព្រឹទ្ធសភាចាស់ ដែលមានរយៈពេល ប្រាំមួយឆ្នាំនោះ នឹងត្រូវផុតកំណត់នៅថ្ងៃច័ន្ទ។ ព្រឹទ្ធសភាដែលមានចំនួន១៥០ អាសនៈដោយមានសមាជិកព្រឹទ្ធសភាជាប់ឆ្នោតពី ខេត្តទាំង៧៧ និងអាសនៈ ដែលនៅសល់ត្រូវតែងតាំង។
សមាជិកនៃគណៈកម្មាធិការបោះឆ្នោតលោក Somchai Srisuthiyakorn បានមានប្រសាសន៍ថា ការរាប់សន្លឹក ឆ្នោតនៅស្ថានីយ៍បោះឆ្នោតទាំងអស់ ត្រូវបានគេរំពឹងថានឹងត្រូវបានបញ្ចប់នៅ ម៉ោង៨ ល្ងាច ។
លោកបានជំរុញឲ្យអ្នកមានសិទ្ធិបោះឆ្នោត ទាំងអស់ចូលរួមបោះឆ្នោតទាំងអស់គ្នា ។ ជំនួយការ ប្រធានប៉ូលិសជាតិ Aree Onchit បានមានប្រសាសន៍ថា មន្រ្តីប៉ូលីសប្រហែល ១០០,០០០ នាក់ត្រូវបានដាក់ពង្រាយ ដើម្បីរក្សាសន្តិសុខនៅកន្លែង បោះឆ្នោតទាំងអស់ទូទាំងប្រទេស ៕
