វៀតណាមដាក់បម្រាមមិនឲ្យនាំចូលសាច់មាន់ទាពីចិន
ប្រទេសវៀតណាមបានធ្វើការប្រកាសភ្លាមៗ អំពីការដាក់បម្រាមមិនឲ្យនាំចូលសាច់មាន់ទាពីប្រទេសចិន ព្រមទាំងបានពង្រឹងការត្រួតពិនិត្យតាមព្រំដែន បន្ទាប់ពីខេត្តមួយរបស់ប្រទេសចិនដែលមានព្រំប្រទល់ជាប់នឹងប្រ ទេសវៀតណាមភាគខាងជើងបានរាយការណ៍ពីការស្លាប់មនុស្សបីនាក់ដោយ សារតែប្រភេទមេរោគថ្មីនៃជំងឺគ្រុនផ្តាសាយបក្សី។
បើតាមមន្ត្រីបានឲ្យដឹងថា អ្នកបាត់បង់ជីវិតទាំងបីរូបនេះស្ថិតនៅក្នុងចំណោមមនុស្ស ៩រូបដែលបានឆ្លងមេរោគផ្តាសាយបក្សីនៅប្រទេសចិន ដែលនេះជាករណីទីមួយហើយដែលគេដឹងថាមេរោគគ្រុនផ្តាសាយប្រភេទ ថ្មី H7N9 ដែលបានឆ្លងទៅកាន់មនុស្ស។
នៅក្នុងសារ ដែលបានធ្វើការផ្សព្វផ្សាយជាបន្ទាន់ចុះហត្ថលេខាដោយរដ្ឋមន្ត្រី ក្រសួងកសិកម្មវៀតណាម ទីក្រុងហាណូយបានដាក់បម្រាមនេះដើម្បីកុំឲ្យមានមេរោគឆ្លងចូលទៅ ក្នុងប្រទេសវៀតណាម។
កាលពីឆ្នាំមុនមានមនុស្សពីរ នាក់បានស្លាប់នៅក្នុងប្រទេសវៀតណាមដោយសារមេរោគគ្រុនផ្តាសាយ បក្សី ប៉ុន្តែករណីស្លាប់នោះគឺបណ្ដាលមកពីអំបូរវីរុសប្រភេទ H5N1 ដែលគេស្គាល់ជាទូទៅ៕ (Radio Australia)