ជប៉ុនផ្តល់ជំនួយឥតសំណងជាង ១១ លានដុល្លារ ដល់កម្ពុជា
សារព័ត៌មាន Cambodia News/
ភ្នំពេញ (២៦ មិនា ២០១៤) ៖ រដ្ឋាភិបាលប្រទេសជប៉ុន បានផ្តល់ជំនួយឥតសំណងដែលមានទឹកប្រាក់ ចំនួន ១.១៩៣ លានយ៉េន ដែលមានទឹកប្រាក់ប្រហាក់ប្រហែល ស្មើនឹង ១១.៥២០.០០០ ម៉ឺនដុល្លារអាមេរិក សម្រាប់គំរោង អនុវត្តពង្រីកមជ្ឃមណ្ឌលគាំពាសុខភាព មាតាជាតិនិងទារក។
ពិធីចុះហត្ថលេខាលើ លិខិតប្តូរសារ និងកំណត់ហេតុ ស្តីពីការផ្តល់់ជំនួយឥតសំណង របស់រដ្ឋាភិបាលជប៉ុន ចំពោះរាជរដ្ឋាភិបាលកម្ពុជានេះ ត្រូវបានធ្វើឡើងនៅព្រឹកថ្ងៃទី២៦ ខែមីនា ឆ្នាំ២០១៤នៅទីស្តីការក្រសួងការបរទេស រវាងលោកយូគី គូម៉ាម៉ា ឯកអគ្គរាជទូតជប៉ុន ប្រចាំកម្ពុជា ជាមួយនិងលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ។
លោក កុយ គួង អ្នកនាំពាក្សក្រសួងការបរទេសមានប្រសាសន៍ថា ជំនួយឥតសំណង របស់រាជរដ្ឋាភិបាលជប៉ុន គិតជាដុល្លារជាង ១១លានដុល្លារ ក្នុងបំណង ពង្រីកមជ្ឃមណ្ឌលគាំ មានសុខ ភាពមាតា និងទារក ដែលជាការចូលរួមចំណែកលើកកំពស់សុខភាពសុខាភិបាល នៅកម្ពុជា៕
