ទីក្រុងញូយ៉ក គ្រោះថ្នាក់ដោយសារធ្លាក់ទឹកកក
សារព័ត៌មាន Cambodia News/
ញូយ៉ក(២១ កុម្ភៈ ២០១៤) ៖ យោងតាម សារព័ត៌មានជប៉ុន Japan News នៅថ្ងៃទី២១ ខែកុម្ភៈ ឆ្នាំ២០១៤ នេះបាន ចេញផ្សាយថា ប្រជាជននៅតាម បណ្ដាទីក្រុង ជាច្រើនក្នុង សហរដ្ឋអាម៉េរិក កំពុងជួបប្រទះ រដូវរងាយ៉ាងសាហាវមួយ ដែលមានគ្រោះថ្នាក់ ជាងការធ្លាក់ព្រិលកន្លងមក។
យ៉ាងហោចណាស់ មានវិថីពី៤ ទៅ៥ ខ្សែជុំវិញទីក្រុងញូយ៉ក ដែលជាទីក្រុង ពាណិជ្ជកម្ម ពិភពលោក មួយនោះ អាគារពាណិជ្ជកម្ម ខ្ពស់ជាងគេ កាលពីថ្ងៃព្រហស្បតិ៍ ម្សិលមិញ នេះត្រូវបានបិទ នៅពេលដែល មានខ្យល់បក់បោកខ្លាំង និងបានបណ្តាលឲ្យ ធ្លាក់ទឹកកក ដុំៗ ចុះមក គ្របជិតផ្លូវជាង ៥៤១ មែត្រ ។
នៅជុំវិញតំបន់ខាងលើនេះ នៅតាមចិញ្ចើម ផ្លូវជុំវិញអគារខ្ពស់នៅក្នុងទីក្រុងនេះ ត្រូវបានបិទ ជាមួយនឹងការ ប្រុងប្រយ័ត្ន ដោយសារតែការធ្លាក់ចុះ កំណាត់ ទឹកកក-ព្រិលទឹកកក។ ក្រុមអ្នក ជំនាញបានហាមថា វាអាចមានសភាព កាន់តែអាក្រក់ឡើង ក្នុងរយៈពេលប៉ុន្មានថ្ងៃ ខាងមុខ ទៀតនេះចំពោះ អាកាសធាតុត្រជាក់ខ្លាំង។
លោក Joey Picca អ្នកឯកទេស ខាងឧតុនិយមវិទ្យា នៅក្នុងទីក្រុងញូយ៉ក បាននិយាយថា “ព្រិលនឹងចាប់ផ្ដើមរ លាយជាមួយ នឹងទឹក ហើយនឹងបង្កើតជា ទឹកកកកាន់តែ ធំឡើងៗ ហើយ ផែនទឹកកកអាច នឹងបំផ្លាញអាគារខ្ពស់ៗបាន។” គូសបញ្ជាក់ឲ្យដឹងថា ផងដែរថា ព្រិកទឹកកក នេះមានកម្រាស់ដល់ទៅ ១,២៣ មែត្រចាប់តាំងពី មានព្រិលធ្លាក់ នៅក្នុង ឆ្នាំនេះមក៕ (ប្រែសម្រួលដោយ ៖ DAP)
