ហេតុអ្វីបាននៅសុខៗស្រាប់តែងងឹតមុខអ៊ីចឹង?
Cambodia News
សុខភាព៖ សម្រាប់បញ្ហាងងឹតមុខនេះ ជាពាក្យដែលប្រជាជនខ្មែរយើងតែងតែនិយាយតៗគ្នាមក។ ប៉ុន្ដែងងឹតមុខគឺមានឈ្មោះជាភាសាបារាំងថា សាំងគុប (Syncope) ។ នៅពេលដែលលោកអ្នកជួបនឹងបញ្ហាអ្វីមួយដែលធ្វើឱ្យរន្ធត់ ឬក៏ទៅជួបជាមួយនឹងកន្លែងដែលមិនមានខ្យល់ អាកាសបរិសុទ្ធអាចធ្វើឱ្យលោកអ្នកងងឹតមុខហើយដួលសន្លប់តែម្ដង លោកអ្នកអាចនឹងដឹងខ្លួនឡើងវិញនៅក្នុងរយៈពេលសន្លប់ដ៏ខ្លី។ មូលហេតុងងឹតមុខគឺបណ្ដាលឱ្យកើតមានជំងឺងងឹតមុខនេះមានដូចជា៖
១.បណ្ដាលមកពីជំងឺខ្សោយបេះដូង៖ បេះដូងរួមត្បៀតតូចពេក ធ្វើឱ្យឈាមមកចិញ្ចឹមគ្រប់សារពាង្គកាយ និងខួរក្បាលមិន គ្រប់គ្រាន់ បណ្ដាលឱ្យអ្នកជម្ងឺកើតមានជម្ងឺងងឹតមុខហើយដួលសន្លប់តែម្ដង។២.ទាក់ទងទៅនឹងចង្វាក់បេះដូង៖ បេះដូងដើរញាប់ពេកឬយឺតពេកនេះក៏អាចបណ្ដាលឱ្យងងឹតមុខបានដែរ។
៣.បណ្ដាលមកពីជំងឺសាំងគុប (Syncope) ៖ ជាជំងឺដែលមិនមែនបណ្ដាលមកពីជំងឺបេះដូងនោះទេ គឺបណ្ដាលមកពីភាពបាត់ម្ចាស់ការ ភ័យពេក រន្ធត់ពេក អរពេក ឈរហាលថ្ងៃយូរពេក ឬអង្គុយយូរពេក។ នៅពេលងើបឈរស្រាប់តែងងឹតមុខដួលបាត់បង់ស្មារតី ក្រោយមកក៏ដឹងខ្លួនឡើងវិញ។
ឧទាហរណ៍៖ នៅពេលដែលលោកអ្នក ជួបនឹងបញ្ហាអ្វីមួយដែលរន្ធត់ខ្លាំង ឬក៏ជួបនឹងហេតុការអ្វីមួយ ដូចជាគ្រោះថ្នាក់ចរាចរណ៍ដែលបណ្ដាលឱ្យមានឈាមឬក៏ស្លាប់ជាហេតុដែល ធ្វើឱ្យលោកអ្នកភ័យរន្ធត់ ហើយក៏កើតមានភាពងងឹតមុខហើយក៏ដួលសន្លប់បាត់បង់ស្មារតីតែម្ដង៕
