គុណប្រយោជន៍នៃការបំបៅដោះកូនដោយទឹកដោះម្ដាយ
Cambodia News/
សុខភាព៖ តាមការសិក្សាស្រាវជ្រាវថ្មីមួយ បានរកឃើញភស្ដុតាងបន្ថែមថា ការបំបៅដោះកូន ដោយទឹកដោះម្ដាយ ល្អប្រសើរ សម្រាប់ការរីកចម្រើនផ្នែកខួរក្បាលទារក។
ការសិក្សាស្រាវជ្រាវបានរកឃើញថា ស្ថិតក្នុងអាយុ ២ឆ្នាំ ទារកត្រូវបានបំបៅដោយទឹកដោះម្ដាយ តែម្យ៉ាង យ៉ាងតិច រយៈពេល ៣ខែ បានបង្កើនការវិវឌ្ឍន៍ផ្នែកសំខាន់ៗនៃខួរក្បាល បើប្រៀបធៀបចំពោះទារកបំបៅដោយម្សៅទឹកដោះគោ តែមួយមុខ ឬទារកបំបៅលាយគ្នាទាំងម្សៅទឹកដោះគោ និងទឹកដោះម្ដាយ។
លទ្ធផលនៃការសិក្សាស្រាវជ្រាវបានបង្ហាញថា ការលួតលាស់បន្ថែម គឺភាគច្រើននៅក្នុងផ្នែកសំខាន់ៗនៃខួរក្បាល រួម មាន ការវិវឌ្ឍន៍ផ្នែកភាសានិយាយ មុខងារផ្លូវចិត្ដ និងភាពប៉ិនប្រសប់នៃការវិនិច្ឆ័យ។ អ្នកសិក្សាស្រាវជ្រាវលើកឡើងថា នេះមិនមែនជាលើទី១ទេ ដែលអ្នកជំនាញណែនាំថា ការបំបៅដោះកូនដោយទឹក ដោះម្ដាយ ជួយដល់ការវិវឌ្ឍន៍ខួរក្បាលរបស់ទារកនោះ។
នេះជាការសិក្សា លើកទីមួយហើយ ដោយការឆ្លោះមើលខួរក្បាលរបស់ទារក ដើម្បីពិនិត្យរកភាពខុសប្លែកគ្នាដែលផ្សារភ្ជាប់ គុណប្រយោជន៍នៃការបំបៅដោះកូនដោយទឹកដោះម្ដាយ និងខួរក្បាលរបស់ទារកវ័យក្មេង និងទារកមានសុខភាពល្អ៕ វត្តី
