៣ថ្ងៃ នៃពិធីបុណ្យភ្ជុំបិណ្ឌ គ្រោះថ្នាក់ចរាចរណ៍ថយចុះជាងឆ្នាំមុន
សារព័ត៌មាន Cambodia News/
ភ្នំពេញ (០៤ តុលា ២០១៦) ៖ ប្រធាននាយកដ្ឋាន នគរបាលចរាចរណ៍ និងសណ្តាប់ធ្នាប់សាធារណៈក្រសួងមហាផ្ទៃ បានឲ្យដឹងថា គ្រោះថ្នាក់ចរាចរណ៏ក្នុងរយៈពេល៣ថ្ងៃ គិតចាប់ពីថ្ងៃទី២៩កញ្ញា ដល់ថ្ងៃទី០១តុលា២០១៦ សម្រាប់ ថ្ងៃបុណ្យភ្ជុំបិណ្ឌនេះ បានកើតឡើងចំនួន៤២លើក លើ៥១ លើកថយចុះ៩លើក បើប្រៀបធៀប៣ថ្ងៃភ្ជុំដូចគ្នាកាលពីឆ្នាំ ២០១៥ បណ្តាលអោយមនុស្សស្លាប់១៩នាក់ថយ២នាក់ របួស ធ្ងន់ស្រាល៦៦នាក់ថយចុះ៣០នាក់បើធៀបឆ្នាំកន្លងទៅ ។
ឧត្តមសេនីយ៏ឯកបណ្ឌិត រុន រត្ន័វាសនា បានបញ្ជាក់ថា ចំពោះគ្រោះថ្នាក់ចរាចរណ៏ខាងលើនេះ បើធ្វើការប្រៀបធៀប រយៈពេល៣ថ្ងៃសម្រាប់ថ្ងៃភ្ជុំបិណ្ឌដូចគ្នា ទាំងអ្នកស្លាប់ និង របួសមានការថយចុះ ។ មូលហេតុដែលបណ្តាលអោយគ្រោះ ថ្នាក់នោះគឺ បើកល្បឿនលឿន មិនគោរពច្បាប់ ងងុយដេក ស្រវឹង មិនប្រកាន់ស្តាំ បើកជែងគ្នា កត្តាអាកាសធាតុ និងកត្តយានយន្តជាដើម ៕
