ជា ស៊ីម បង្ហាញមុខនាថ្ងៃឃោសនាចុងក្រោយដើម្បីបញ្ចាក់ពីដឹំណឹងមរណភាព
សម្តេច ជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជាបានបង្ហាញមុខនាថ្ងៃទី ២៦ កក្កដា នេះដែលជាថ្ងៃឃោសនាបោះឆ្នោតចុងក្រោយក្នុងរយៈពេល៣០ថ្ងៃកន្លងមក។
នេះជាលើកដំបូងហើយ ដែលលោកបានបង្ហាញមុខជាសាធារណៈ បន្ទាប់ពីបានអញ្ជើញចូលរួមមរណទុក្ខរបស់ឪពុកសម្តេច ហ៊ុន សែន នៅក្បែរវិមាណឯករាជ្យកាលពីពីរសប្តាហ៍មុន។
ថ្មីៗនេះ នៅតាមបណ្តាញហ្វេសប៊ុក បានបង្ហោះដំណឹងថា លោក ជា ស៊ីម បានទទួលមរណភាពកាលពីបួនប្រាំថៃ្ងមុននេះ ហើយដំណឹងនេះត្រូវបានលោកនាយករដ្ឋមន្រ្តី ហ៊ុន សែន មិនឣនុញ្ញាត្តិឲ្យផ្សព្វផ្សាយជាសាធារណៈឡើយ ព្រោះលោកបារម្ភពីការធ្លាក់ប្រជាប្រិយភាពនៃគណបក្សប្រជាជនកម្ពុជា។
កាលពីរសៀលថ្ងៃទី ២៣ កក្កដាកន្លងមកនេះ ក្មួយប្រុស និងសាច់ញាតិរបស់លោក ជា ស៊ីម បានបដិសេធពីដំណឹងមរណភាពនេះ ហើយមន្រ្តីរាជរដ្ឋាភិបាលមួយរូបក៏បានប្រាប់ Cambodia News ដែរថា បើដំណឹងនោះពិតមែន តើលាក់ស្ងាត់បានយ៉ាងដូចម្តេចទៅ ព្រោះសម្តេច ជា ស៊ីម ជាឥស្សរជនជាន់ខ្ពស់របស់ប្រទេសជាតិ។
មន្រ្តីរូបនោះក៏បានអំពាវនាវដល់ជនរួមជាតិកុំប្រមាថជីវិតមនុស្ស បើទោះជាមិនចូលចិត្តសម្តេច និងគណបក្សប្រជាជនកម្ពុជាក៏ដោយ។ លោកបន្តថា កើតចាស់ឈឺស្លាប់ជារឿងធម្មតា គឺម្តងក្នុងគ្រួសារគេ ហើយម្តងនៅក្នុងគ្រួសារយើង៕ នាង Cambodia News