ខឹងគេមិនឲ្យបើកបញ្ច្រាស់ផ្លូវ គប់អ្នកសម្រួលចរាចរ១កំប៉ុង
សារព័ត៌មាន Cambodia News/
ភ្នំពេញ (០៤ មេសា ២០១៧) ៖ បុរសម្នាក់បានទទួលការចាប់អារម្មណ៍យ៉ាងខ្លាំងពីមហាជននៅក្នុងសង្គមហ្វេសបុក ដោយសារតែបុរសរូបនេះបានប្រើប្រាស់កាយវិការមិនសមរម្យខឹងសម្បារនឹងអ្នកសម្រួលចរាចររារាំងគាត់មិនឲ្យបើកបរបញ្ច្រាស់ផ្លូវ។
តាមរយៈវីដេអូLIveនៅលើFacebook ដោយអ្នកសារព័ត៌មានកម្លាំងមនុស្សធម៌ ក្នុងសកម្មភាពជួយសម្រួលចរាចរកុំឲ្យមានការកកស្ទះ បានបង្ហាញថា មានយាន្តយន្តជាច្រើនគ្រឿងមិនថា៖ ត្រីចក្រយាន្តយន្ត ទោចក្រយាន្តយន្ត រួមទាំងរថយន្ត១គ្រឿងផងដែរ បានជិះបញ្ច្រាស់ទិសដោយមិនគោរពច្បាប់ចរាចរ។
លើសពីនោះអ្វីដែលគួរឲ្យចាប់អារម្មណ៍ និងមិននឹកស្មានដល់ គឺបុរសម្នាក់បានជិះម៉ូតូបញ្ច្រាស់ផ្លូវ ហើយនៅពេលគេឃាត់មិនឲ្យបន្តដំណើរ បុរសនោះបានគ្រលែងកំប៉ុងដាក់អ្នកសំរួលចរាចរណ៍។ ទង្វើបែបនេះធ្វើឲ្យមហាជនជាច្រើននៅក្នុងសង្គមហ្វេសបុក ស្អប់ខ្ពើមយ៉ាងខ្លាំង៕
