ក្រសួងអប់រំ ចេញសេចក្ដីប្រកាសបដិសេធការបង់ប្រាក់ ជាថ្នូរផ្ដល់អាហារូបករណ៍
សារព័ត៌មាន Cambodia News/
ភ្នំពេញ (០៥ មិថុនា ២០១៥) ៖ កាលពីថ្ងៃទី៤ ខែមិថុនា ឆ្នាំ២០១៥ ក្រសួងអប់រំ យុវជន និងកីឡាបាន ចេញសេចក្ដីប្រកាសព័ត៌មានឱ្យដឹងថា ក្នុងរយៈពេល កន្លងមកនេះ មានអង្គការ និងក្រុមហ៊ុនមួយចំនួន បានផ្សព្វផ្សាយ នៅតាមទីសាធារណៈ និងនៅតាមសាលារៀន នានាដោយផ្ទាល់ ដើម្បីអូសទាញសិស្ស និងអាណាព្យាបាល ឱ្យបំពេញបែបបទ និងបង់ប្រាក់ ជាថ្នូរនឹងការ សន្យា ផ្ដល់អាហារូបករណ៍ ឬផលប្រយោជន៍ផ្សេងៗ ដោយពុំមាន លិខិតបទដ្ឋាន ច្បាស់លាស់ឡើយ។
ចំពោះបញ្ហានេះ ក្រសួងអប់រំ យុវជន និងកីឡា បានប្រកាសបដិសេធថា ក្រសួងពុំមានចេញគោលការណ៍ អនុញ្ញាតឱ្យអង្គការជាដៃគូអភិវឌ្ឍន៍ និងក្រុមហ៊ុន ដែលធ្វើសកម្មភាព ជួយដល់វិស័យអប់រំ ធ្វើសកម្មភាព “តាមរូបភាពបង់ប្រាក់ឡើយ” ដើម្បីជៀសវាងការបោកប្រាស់ ដែលអាចកើតឡើង ជាយថាហេតុ៕ ដោយ៖ ហេង នាង
