យុវជន ៣នាក់ប្រមូលផ្ដុំនៅទីលានប្រជាធិបតេយ្យ ត្រូវប៉ូលិសបំបែក
Cambodia News /
ភ្នំពេញ៖ យុវជនចំនួន ៣នាក់ មកពីសមាគមចលនានិស្សិតបញ្ញវន្តខ្មែរ បានជួបជុំគ្នានៅទីលានប្រជាធិប តេយ្យបានមួយភ្លែត នៅព្រឹកថ្ងៃទី៩ មករា ហើយត្រូវបានក្រុមកម្លាំងប្រដាប់អាវុធ និងក្រុមកងសន្តិ សុខជាង ១០០នាក់ មកបណ្ដេញចេញពីទីលានភ្លាមៗ។
តាមគម្រោង ក្រុមយុវជនដែលមកប្រមូលផ្ដុំគ្នានៅទីលានប្រជាធិបតេយ្យនេះមានគ្នា ៩នាក់ ប៉ុន្តែទើបតែមកជួបជុំគ្នាបាន ៣នាក់ប៉ុណ្ណោះ ក៏ត្រូវបានសមត្ថកិច្ចបំបែក។ អ្នកកាសែតនិងអ្នកសង្កេត សិទ្ធិមនុស្សក៏ត្រូវកងកម្លាំងទាំងនោះគំរាមហាមថតរូបភាពនៃការបណ្ដេញចេញនោះដែរ។
តំណាងចលនានិស្សិតបញ្ញវន្តខ្មែរ លោក ចារ សីហាក់ បានប្រាប់អ្នកកាសែតថា ពួកគាត់មកប្រមូលផ្ដុំគ្នានេះ ព្រោះធ្វើតាមបញ្ជារដ្ឋាភិបាលដែលដឹកនាំដោយគណបក្សប្រជាជនបានប្រកាស ហាមមនុស្ស ១០ប្រមូលផ្ដុំទើបសម្រេចជ្រើសរើសយកមនុស្ស ៩នាក់ដូច្នេះ។
លោកថា ការប្រមូលផ្ដុំគ្នានៅថ្ងៃនេះ គឺដើម្បីទាមទាររកយុត្តិធម៌ឲ្យអ្នកដែលអាជ្ញាធរបាញ់សម្លាប់និង របួសកន្លងមក និងការបាញ់សម្លាប់កម្មករធ្វើបាតុកម្មអហិង្សាទាមទារប្រាក់ខែគោល ១៦០ដុល្លារកាលពីដើមខែមករានេះ៕
