កូនប្រុសលោក ឈុត វុទ្ធី អំពាវនាវឲ្យមានការផ្ដល់យុត្តិធម៌ដល់ឪពុករបស់ខ្លួន
Cambodia News
ភ្នំពេញ៖ នៅថ្ងៃទី ២៦ ខែ មេសា ឆ្នាំ២០១៣ នេះ គឺជាខួបមួយឆ្នាំនៃការបាញ់សម្លាប់សកម្មជនព្រៃឈើល្បីឈ្មោះគឺលោក ឈុត វុទ្ធី ហើយប្រុសរបស់លោក បានអំពាវនាវឲ្យមានការ ផ្ដល់យុត្តិធម៌ដល់ឪពុករបស់ខ្លួន ហើយសូមឲ្យដល់រដ្ឋាភិបាល ឲ្យស្វែងរកជនផ្សេងទៀត នឹង បញ្ជូនពួកគេទៅតុលាការ និង សូមឲ្យបិទក្រុមហ៊ុន រកស៊ីកាប់ឈើ ដោយខុសច្បាប់។
លោក ឈុត វុទ្ធី សកម្មជនព្រៃឈើ ត្រូវបានសង្ស័យថា មន្ត្រីកងរាជអាវុធហត្ថម្នាក់បាញ់សម្លាប់ នៅតំបន់ភ្នំជាប់ព្រំដែនខេត្ត កោះកុង នឹង ខេត្ត ពោធិ៏សាត់ កាលពីថ្ងៃទី ២៦ ខែ មេសា ឆ្នាំ២០១២ ។ ភ្លាមៗមន្ត្រីកងរាជអាវុធហត្ថរូបនោះ ដែលមានឈ្មោះ អ៊ិន រតនា ត្រូវបានបាញ់សម្លាប់ដោយ អចេតនា ដោយសន្ដិសុខក្រុមហ៊ុនកាប់ឈើ ធីមប័គ្រីន ។
ជនសង្ស័យចុងក្រោយត្រូវបានផ្ដន្ទាទោស ឲ្យជាប់ពន្ធនាគារ២ឆ្នាំ តែទោសទាំងនោះ ត្រូវបានព្យួរ១៨ ខែ ។ គេត្រូវបានតុលាការ ដោះលែងឲ្យមានសេរីភាព កាលពីខែ វិច្ឆិការ ឆ្នាំដដែលនោះ ៕