ព័តមានអន្តរជាតិ
-
វេទិកានវានុវត្តន៍ប្រព័ន្ធសារព័ត៌មានសកលលើកទី៥ប្រកាសពីសមិទ្ធផលសំខាន់ៗ
Cambodia News ថ្ងៃទី១០ ខែមិថុនា វេទិកានវានុវត្តន៍ប្រព័ន្ធសារព័ត៌មានសកលលើកទី៥ដែលកំពុងបើកធ្វើនៅក្រុងChongqingបានប្រកាសពីសមិទ្ធផលសំខាន់ៗជាច្រើន រួមមានគំនិតផ្តួចផ្តើមនៃវេទិកា និងព្រឹត្តិការណ៍ពាក់ព័ន្ធជាច្រើន ដូចជាប្រព័ន្ធផ្សព្វផ្សាយអូឌីយ៉ូ-វីដេអូកណ្តាល៣.០ដែលជាសមិទ្ធផលសំខាន់នៃការធ្វើឌីជីថលូបនីយកម្មនិងវៃឆ្លាតនៃអគ្គស្ថានីយវិទ្យុនិងទូរទស្សន៍មជ្ឈិមចិន(CMG)និងរបាយការណ៍ចំនួន៣ស្តីពីការអភិវឌ្ឍនិងអភិបាលកិច្ចបញ្ញាសិប្បនិម្មិតដែលចេញផ្សាយដោយវិទ្យាស្ថានសិក្សាស្រាវជ្រាវរបស់CMGជាដើម។ លោកShen Haixiongអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានលើកឡើងថា លោកXi Jinpingប្រធានរដ្ឋចិនបានគូសបញ្ជាក់ថា “បញ្ញាសិប្បនិម្មិតត្រូវតែក្លាយជាផលិតផលសាធារណៈអន្តរជាតិដែលផ្តល់ផលប្រយោជន៍ដល់មនុស្សជាតិទាំងមូល”។CMGខិតខំប្រឹងប្រែងក្នុងការប្រែក្លាយសក្តានុពលធំនៃបច្ចេកវិទ្យាឱ្យទៅជាកម្លាំងផ្សព្វផ្សាយដែលផ្តល់ផលប្រយោជន៍ជាទូទៅ ដោយអញ្ជើញប្រព័ន្ធសារព័ត៌មានសកលចាប់ដៃជាមួយគ្នា ដើម្បីកសាងនិម្មាបនកម្មប្រព័ន្ធផ្សព្វផ្សាយបែបវៃឆ្លាតដែលបើកចំហ បរិយាប័ន្ន និងចែករំលែក ដើម្បីរួមចំណែកដល់ការកសាងសហគមន៍ជោគវាសនារួមសម្រាប់មនុស្សជាតិ។ វេទិកានេះក៏នឹងរៀបចំអនុវេទិកាចំនួន៤ ដូចជា “ចរន្តនៃភាពវៃឆ្លាតក្រោមក្រសែចក្ខុរបស់ប្រទេសសកលខាងត្បូង៖ស្តារភាពបរិយាប័ន្ន និងសច្ចយុត្តិធម៌”ជាដើម៕
Read More » -
« វេទិកាជាន់ខ្ពស់ស្តីពីអភិបាលកិច្ចសិទ្ធិមនុស្សសកលឆ្នាំ២០២៦» ប្រារព្ធធ្វើនៅប៉េកាំងក្រោមអធិបតីភាពលោក Li Shulei
Cambodia News ថ្ងៃទី ១១ ខែមិថុនា « វេទិកាជាន់ខ្ពស់ស្តីពីអភិបាលកិច្ចសិទ្ធិមនុស្សសកលឆ្នាំ២០២៦» បានប្រារព្ធធ្វើនៅទីក្រុងប៉េកាំង។ លោក Li Shulei សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន និងជារដ្ឋមន្ត្រីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិនបានអញ្ជើញចូលរួមពិធីបើកនិងថ្លែងសុន្ទរកថា។ ភ្ញៀវកិត្តិយសដែលចូលរួមវេទិកានេះបានសម្គាល់ឃើញថា លោក Xi Jinping ប្រធានរដ្ឋចិនយកចិត្តទុកដាក់ខ្ពស់ចំពោះការគោរពនិងធានាសិទ្ធិមនុស្ស កាលពីឆ្នាំ២០២៣លោកបានផ្ញើសារលិខិតអបអរសាទរចំពោះការបើកវេទិកាជាន់ខ្ពស់ស្តីពីអភិបាលកិច្ចសិទ្ធិមនុស្សសកល ដោយលើកឡើងគំនិតផ្តួចផ្តើមរបស់ប្រទេសចិនស្តីពី ការគាំពារសិទ្ធិមនុស្សតាមរយៈសន្តិភាព ជំរុញសិទ្ធិមនុស្សតាមរយៈការអភិវឌ្ឍ និងជំរុញសិទ្ធិមនុស្សតាមរយៈកិច្ចសហប្រតិបត្តិការ ។ ប្រទេសចិនបានបន្តអនុវត្តផែនការសកម្មភាពសិទ្ធិមនុស្សជាតិចិនចំនួន៤លើកដោយជោគជ័យ ហើយបន្តជំរុញឱ្យបុព្វហេតុសិទ្ធិមនុស្សទទួលបានសមិទ្ធផលថ្មីជាប្រវត្តិសាស្ត្រក្នុងខណៈពេលធ្វើទំនើបកម្មតាមបែបផែនចិន ។ ភ្ញៀវកិត្តិយសដែលចូលរួមវេទិកានេះបានសម្គាល់ឃើញថា ប្រឈមមុខនឹងស្ថានការណ៍អន្តរជាតិដ៏រង្គោះរង្គើ ប្រទេសនានាគួរធ្វើកិច្ចខិតខំប្រឹងប្រែងរួម ដើម្បីគាំពារសន្តិភាពនិងសន្តិសុខពិភពលោកដោយឈរលើមូលដ្ឋានគោរពគ្នាទៅវិញទៅមក ដើម្បីឱ្យសមិទ្ធផលនៃការអភិវឌ្ឍផ្តល់ផលប្រយោជន៍កាន់តែច្រើននិងកាន់តែយុត្តិធម៌ដល់ប្រជាជននៃប្រទេសនានា។ យើងត្រូវគោរពក្រមទំនាក់ទំនងអន្តរជាតិ ឈរលើស្មារតីសាមគ្គីភាពនិងសហប្រតិបត្តិការ ឆ្លើយតបនឹងការប្រឈមរួមខាងបញ្ហាសិទ្ធិមនុស្សដោយការអនុវត្តជាក់ស្តែង ដើម្បីអនុវត្តចក្ខុវិស័យស្តីពីសិទ្ធិមនុស្សយ៉ាងប្រាកដប្រជា។ សូមបញ្ជាក់ថា « វេទិកាជាន់ខ្ពស់ស្តីពីអភិបាលកិច្ចសិទ្ធិមនុស្សសកលឆ្នាំ២០២៦ » បានបើកធ្វើនៅទីក្រុងប៉េកាំងពីថ្ងៃទី១១ដល់ថ្ងៃទី១២ ខែមិថុនា ដើម្បីរំលឹកខួប ៤០ឆ្នាំនៃការអនុម័ត «សេចក្តីប្រកាសស្តីពីសិទ្ធិអភិវឌ្ឍន៍» នៃអង្គការសហប្រជាជាតិ។ ឥស្សរជនជាតិនិងអន្តរជាតិជាង៤០០រូបដែលមកពីប្រទេសជិត១០០និងអង្គការអន្តរជាតិ ដូចជាអង្គការសហប្រជាជាតិជាដើមបានអញ្ជើញចូលរួមតាមការអញ្ជើញ៕
Read More » -
បទវិភាគ៖ “និមិត្តសញ្ញាថ្មី”នៃទំនាក់ទំនងចិន-កូរ៉េខាងជើងនឹងណែនាំប្រទេសទាំងពីរបើកទំព័រថ្មីនៃការអភិវឌ្ឍ
Cambodia News ថ្នាក់ដឹកនាំកំពូលនៃបក្សនិងរដ្ឋទាំងពីរចិននិងកូរ៉េខាងជើងបានពិភាក្សាគ្នាអំពីផែនការអភិវឌ្ឍន៍នៃទំនាក់ទំនងចិន-កូរ៉េខាងជើង អញ្ជើញចូលរួមសកម្មភាពជាច្រើនលើកជាមួយគ្នានិងរួមគ្នាដាំដើមឈើFirដែលជានិមិត្តរូបនៃការបន្តវេនចំណងមិត្តភាពទៅគ្រប់ជំនាន់ ។ល។ តបតាមការអញ្ជើញរបស់លោក Kim Jong-un អគ្គលេខាធិការនៃគណកម្មាធិការមជ្ឈិមបក្សពលករកូរ៉េខាងជើងនិងជាប្រធានក្រុមប្រឹក្សារដ្ឋកូរ៉េខាងជើង លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិននិងជាប្រធានរដ្ឋចិនបានអញ្ជើញបំពេញទស្សនកិច្ចផ្លូវរដ្ឋនៅកូរ៉េខាងជើងពីថ្ងៃទី៨ដល់ថ្ងៃទី៩ខែមិថុនា ។ ក្នុងអំឡុងពេលដំណើរទស្សនកិច្ច ថ្នាក់ដឹកនាំកំពូលនៃបក្សនិងរដ្ឋទាំងពីរបានធ្វើការរចនាកំពូលនិងណែនាំជាយុទ្ធសាស្ត្រសម្រាប់ទំនាក់ទំនងចិន-កូរ៉េខាងជើងក្នុងយុគសម័យថ្មី ហើយបានឯកភាពគ្នាថា ត្រូវឈរលើមុំនៃយុទ្ធសាស្ត្រស្តីពីអនាគតនិងជោគវាសនានៃសង្គមនិយម ដើម្បីក្តាប់ជាប់និន្នាការយុគសម័យ និងជំរុញឱ្យទំនាក់ទំនងចិន-កូរ៉េខាងជើងទទួលការអភិវឌ្ឍប្រកបដោយកម្រិតខ្ពស់ ។ កាសែត«Rodong Sinmun»របស់កូរ៉េខាងជើងបានចុះផ្សាយវិចារណកថាថា ”ដំណើរទស្សនកិច្ចរបស់លោកXi Jinping លើកនេះមានអត្ថន័យយ៉ាងស៊ីជម្រៅនិងវែងឆ្ងាយ” ”ទំនាក់ទំនងដ៏មេត្រីភាពកូរ៉េខាងជើង-ចិនដែលកំពុងទទួលការអភិវឌ្ឍយ៉ាងស៊ីជម្រៅជាបន្តបន្ទាប់មានកម្លាំងជីវិតដ៏ខ្លាំងក្លា” ។ បច្ចុប្បន្ននេះ បម្រែបម្រួលនិម្មាបនកម្មសកល១០០ឆ្នាំកំពុងវិវត្តន៍យ៉ាងឆាប់រហ័ស ។ ទាំងចិននិងកូរ៉េខាងជើងសុទ្ធតែប្រកាន់ខ្ជាប់ការប្រមូលផ្តុំកម្លាំងកាយចិត្ត ដើម្បីធ្វើកិច្ចការរបស់ខ្លួនឱ្យបានល្អ ហើយបន្តព្យាយាមឆ្ពោះទៅមុខតាមផ្លូវសង្គមនិយម ។ ចិនបានសម្រេចការចាប់ផ្តើមដ៏ល្អប្រសើរក្នុងការអនុវត្ត“ផែនការអភិវឌ្ឍន៍ជាតិ៥ឆ្នាំទី១៥” ហើយកំពុងខិតខំប្រឹងប្រែងត្រួសត្រាយស្ថានការណ៍ថ្មីនៃការកសាងទំនើបកម្មតាមបែបផែនចិន ។ សមាជលើកទី៩នៃបក្សពលករកូរ៉េខាងជើងបានប្រារព្ធធ្វើឡើងដោយជោគជ័យ ដែលបានគ្រោងផែនការជាយុទ្ធសាស្ត្រនិងធ្វើការរៀបចំចាត់តាំងដ៏សំខាន់ចំពោះការអភិវឌ្ឍរយៈពេលវែងនៃកិច្ចការបក្សនិងរដ្ឋកូរ៉េខាងជើង ហើយចាប់ដំណើរការនូវដំណាក់កាលថ្មីនៃការអភិវឌ្ឍសង្គមនិយមដោយគ្រប់ជ្រុងជ្រោយរបស់កូរ៉េខាងជើង ។ មិត្តភាពប្រពៃណីចិន-កូរ៉េខាងជើងបានបន្តវេនទៅគ្រប់ជំនាន់ក្នុងការពិសោធន៍នៃបម្រែបម្រួលស្ថានការណ៍អន្តរជាតិ បញ្ហាគន្លឹះគឺដោយមកពីការចង្អុលបង្ហាញទិសដៅរបស់ថ្នាក់ដឹកនាំកំពូល ។ លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិនបានថ្លែងថា ភាគីចិនរីករាយរក្សាការប្រាស្រ័យទាក់ទងខាងយុទ្ធសាស្ត្រយ៉ាងជិតស្និទ្ធជាមួយលោក Kim Jong-un អគ្គលេខាធិការនៃគណៈកម្មាធិការមជ្ឈិមបក្សពលករកូរ៉េខាងជើង ដើម្បីដឹកនាំទំនាក់ទំនងចិន-កូរ៉េខាងជើងឱ្យឆ្ពោះទៅរកកម្ពស់ថ្មីជាបន្តបន្ទាប់ ។ ភាគីចិនក៏បានលើកឡើងថា នឹងចាត់ទុកខួបទី៦៥ឆ្នាំនៃការចុះហត្ថលេខាលើ«សន្ធិសញ្ញាមិត្តភាពសហប្រតិបត្តិការនិងទំនុកបម្រុងគ្នារវាងចិននិងកូរ៉េខាងជើង»ជាកាលានុវត្តភាពមួយ ដើម្បីរៀបចំសកម្មភាពរំលឹកឱ្យបានឱឡារិក ។ ត្រូវពង្រីកនិងជំរុញការប្រាស្រ័យទាក់ទងដ៏មេត្រីភាពក្នុងគ្រប់ស្រទាប់ថ្នាក់និងគ្រប់វិស័យរវាងបក្សទាំងពីរ ដើម្បីធ្វើឱ្យស៊ីជម្រៅនូវការផ្លាស់ប្តូរនិងរៀនសូត្រពីគ្នាទៅវិញទៅមកនូវបទពិសោធក្នុងការគ្រប់គ្រងបក្សនិងអភិបាលកិច្ច ។ ត្រូវបង្កើនការផ្លាស់ប្តូរផ្នែកការទូត ការអនុវត្តច្បាប់និងកងទ័ព ។ល។ថ្នាក់ដឹកនាំជាន់ខ្ពស់នៃភាគីទាំងពីរមានទំនាក់ទំនងជាញឹកញាប់ នឹងពង្រឹងយ៉ាងខ្លាំងនូវការកសាងទំនុកចិត្តខាងនយោបាយចិន-កូរ៉េខាងជើង ដើម្បីបំពេញបន្ថែមកម្លាំងចលករដ៏ខ្លាំងក្លាសម្រាប់ការអភិវឌ្ឍទំនាក់ទំនងរវាងបក្សនិងរដ្ឋទាំងពីរ ។ ក្នុងនាមជាប្រទេសជិតខាងសង្គមនិយមដ៏មេត្រីភាព ចិននិងកូរ៉េខាងជើងមានការស្វែងរកដូចគ្នាក្នុងការជំរុញសន្តិសុខយូរអង្វែងក្នុងតំបន់ និងសន្តិភាពនិងស្ថិរភាពពិភពលោក ។ ប្រឈមមុខនឹងស្ថានការណ៍អន្តរជាតិដែលមានភាពប្រែប្រួលនិងរង្គោះរង្គើខ្លាំង ភាគីទាំងពីរត្រូវបង្កើនការសម្របសម្រួលនិងការសហការគ្នាខាងយុទ្ធសាស្ត្រ ដើម្បីគាំពារយ៉ាងមុតមាំនូវអធិបតេយ្យភាព សន្តិសុខនិងផលប្រយោជន៍អភិវឌ្ឍន៍រៀងៗខ្លួន ក៏ដូចជារួមគ្នាគាំពារសន្តិភាពនិងការអភិវឌ្ឍក្នុងតំបន់ ។ មានតែវាយោបក់បោកខ្លាំងទើបអាចដឹងពីភាពស៊ូទ្រាំនៃស្មៅ មានតែក្នុងកាលៈទេសៈនៃការលំបាកទើបស្គាល់ពីមិត្តភក្តិពិតប្រាកដ។ ឈរនៅទីចាប់ផ្តើមថ្មី ចិននិងកូរ៉េខាងជើងកំពុងអនុវត្តជាក់ស្តែងនូវគំនិតឯកភាពរួមដ៏សំខាន់របស់ថ្នាក់ដឹកនាំកំពូលនៃប្រទេសទាំងពីរ នាវាយក្សនៃទំនាក់ទំនងចិន-កូរ៉េខាងជើងប្រាកដជានឹងព្យាយាមបោះជំហានទៅមុខយ៉ាងក្លាហាន ដើម្បីរួមចំណែកកាន់តែធំដល់ការជំរុញសន្តិភាព ស្ថិរភាព ការអភិវឌ្ឍនិងវិបុលភាពក្នុងតំបន់រហូតដល់ពិភពលោក ៕
Read More » -
ការស្ទង់មតិរបស់បណ្តាញទូរទស្សន៍ CGTN៖ តើត្រូវប្រកាន់ខ្ជាប់អ្វីហើយផ្តោតលើអ្វី ក្នុងយុគសម័យប្រព័ន្ធផ្សព្វផ្សាយវៃឆ្លាត
Cambodia News ក្នុងខណៈពេលដែលអគ្គស្ថានីយវិទ្យុនិងទូរទស្សន៍មជ្ឈិមចិន (CMG) រៀបចំធ្វើវេទិកានវានុវត្តន៍ប្រព័ន្ធសារព័ត៌មានសកលលើកទីប្រាំ ការស្ទង់មតិមួយដែលធ្វើឡើងដោយបណ្តាញទូរទស្សន៍ CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិន (CMG) ចំពោះអ្នកប្រើប្រាស់អ៊ីនធឺណិតនៅទូទាំងពិភពលោកនាពេលថ្មីៗនេះ បានបង្ហាញថាអ្នកផ្តល់បទសម្ភាសន៍សម្គាល់ឃើញថា បញ្ញាសិប្បនិម្មិតកំពុងដើរតួនាទីកាន់តែសំខាន់ឡើងៗក្នុងការជំរុញបដិវត្តន៍កម្លាំងផលិតកម្មនៃប្រព័ន្ធផ្សព្វផ្សាយ។ អ្នកផ្តល់បទសម្ភាសន៍ចំនួន ៧៨,២% សម្គាល់ឃើញថា របៀបដែលប្រព័ន្ធផ្សព្វផ្សាយរាយការណ៍ព័ត៌មាននៅក្នុងយុគសម័យឆ្លាតវៃកំពុងកើតមានការផ្លាស់ប្តូរយ៉ាងស៊ីជម្រៅ។ អ្នកផ្តល់បទសម្ភាសន៍ចំនួន ៧១,៧% សម្គាល់ឃើញថា តួនាទីបន្តវេនអរិយធម៌និងផ្សព្វផ្សាយវប្បធម៌នៃប្រព័ន្ធផ្សព្វផ្សាយនឹងត្រូវពង្រឹងនិងពង្រីកថែមទៀតក្នុងយុគសម័យឆ្លាតវៃ។…
Read More » -
វេទិកានវានុវត្តន៍ប្រព័ន្ធសារព័ត៌មានសកលលើកទីប្រាំបើកធ្វើនៅក្រុង Chongqing
Cambodia News ថ្ងៃទី ១០ ខែមិថុនា វេទិកានវានុវត្តន៍ប្រព័ន្ធសារព័ត៌មានសកលលើកទីប្រាំបានបើកធ្វើនៅក្រុងChongqing ប្រទេសចិន។ លោក Li Shulei សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន និងជារដ្ឋមន្ត្រីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិនបានអញ្ជើញចូលរួមនិងថ្លែងសុន្ទរកថាតាមប្រព័ន្ធវីដេអូ។ ភ្ញៀវកិត្តិយសដែលចូលរួមវេទិកានេះបានសម្គាល់ឃើញថា ក្រោមការណែនាំនៃអនុសាសន៍ក្នុងសារលិខិតរបស់លោក Xi Jinping ប្រធានរដ្ឋចិនដែលអបអរសាទរចំពោះការបើកវេទិកានវានុវត្តន៍ប្រព័ន្ធសារព័ត៌មានសកលលើកដំបូង វេទិកានេះបានបន្តប្រមូលផ្តុំតម្រិះប្រាជ្ញានិងកម្លាំងនៃបណ្តាភាគីនានា បានក្លាយជាវេទិកាសំខាន់សម្រាប់ប្រព័ន្ធសារព័ត៌មាននៃបណ្តាប្រទេសធ្វើការផ្លាស់ប្តូរគ្នាយ៉ាងស៊ីជម្រៅ និងរៀនសូត្រពីគ្នាទៅវិញទៅមក។…
Read More » -
សន្និសីទពិភពលោកលើកទី ២ ស្តីពីវិជ្ជាបុរាណបើកធ្វើនៅទីក្រុងអាថែនប្រទេសក្រិក
Cambodia News សន្និសីទពិភពលោកលើកទី ២ ស្តីពីវិជ្ជាបុរាណបានបើកធ្វើនៅទីក្រុងអាថែន ប្រទេសក្រិក នៅថ្ងៃទី ៩ ខែមិថុនា។ ភ្ញៀវកិត្តិយសដែលចូលរួមសន្និសីទបានថ្លែងថា តាំងពីសន្និសីទពិភពលោកលើកទី ១ ស្តីពីវិជ្ជាបុរាណត្រូវបានប្រារព្ធឡើងដោយជោគជ័យនៅទីក្រុងប៉េកាំងនៅខែវិច្ឆិកា ឆ្នាំ២០២៤ មក ប្រទេសចិននិងក្រិកបានធ្វើការជាមួយគ្នា ដើម្បីអនុវត្តយ៉ាងសកម្មនូវសមិទ្ធផលនៃសន្និសីទលើកដំបូងនិងបង្កើតជាបណ្តាញផ្លាស់ប្តូរនិងសន្ទនារវាងវិជ្ជាបុរាណដែលបានដើរតួនាទីយ៉ាងសំខាន់ក្នុងការផ្លាស់ប្តូរនិងការសិក្សាពីវិជ្ជាបុរាណទៅវិញទៅមករវាងអរិយធម៌មនុស្សជាតិ ។ អរិយធម៌បុរាណមានប្រាជ្ញានិងកម្លាំងពិសេស ដែលផ្តល់នូវកម្លាំងចលករខាងវិញ្ញាណសម្រាប់វិបុលភាពនិងវឌ្ឍនភាពរបស់ប្រទេសនានា…
Read More » -
លោក Wang Huning សមាជិកគណៈកម្មាធិការអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជាប្រធានសភាប្រឹក្សានយោបាយប្រជាជនទូទាំងប្រទេសចិនចុះត្រួតពិត្យការងារនៅភូមិភាគស្វយ័ត Xinjiang
Cambodia News ពីថ្ងៃទី ៥ ដល់ថ្ងៃទី ៩ ខែមិថុនា លោក Wang Huning សមាជិកគណៈកម្មាធិការអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជាប្រធានសភាប្រឹក្សានយោបាយប្រជាជនទូទាំងប្រទេសចិនបានអញ្ជើញចុះត្រួតពិនិត្យការងារនៅភូមិភាគស្វយ័ត Xinjiang ។ លោកបានថ្លែងថា តាំងពីសមាជបក្សលើកទី ១៨ មក ភាគស្វយ័ត Xinjiang…
Read More » -
បទវិភាគ៖ជប៉ុននិងហ្វីលីពីនពន្លឿនការឃុបឃិតគ្នាខាងយោធាដែលបានក្លាយជាប្រភពបង្កភាពវឹកវរដ៏ធំបំផុតសម្រាប់បំផ្លាញដល់សន្តិភាពនិងភាពសុខសាន្តត្រាណក្នុងតំបន់
Cambodia News នាពេលថ្មីៗកន្លងទៅនេះ ជប៉ុននិងហ្វីលីពីនបានពន្លឿនការចាប់ដៃជើងក្នុងរឿងសន្តិសុខ ដែលមានទង្វើបង្កហេតុជាបន្តបន្ទាប់ ។ ពីការប្រកាសចាប់ដំណើរការនូវអ្វីដែលហៅថា ”ការចរចាអំពីការកំណត់ព្រំដែនសមុទ្រនៅភាគខាងកើតនៃកោះតៃវ៉ាន់”ដល់ការជំរុញការចែករំលែកការណ៍សម្ងាត់ ការផ្ទេរបរិក្ខារការពារជាតិនិងការធ្វើសមយុទ្ធចម្រុះ ប្រទេសទាំងពីរជប៉ុននិងហ្វីលីពីនបាននិងកំពុងយក”កិច្ចសហប្រតិបត្តិការផ្នែកសន្តិសុខ”ធ្វើជាលេសដើម្បីបង្កការប្រឈមដាក់គ្នាជាក្រុមនិងបង្កើនហានិភ័យសន្តិសុខក្នុងតំបន់ ។ សកម្មភាពអវិជ្ជមានមួយចំនួនទាំងនេះបានល្មើសយ៉ាងធ្ងន់ធ្ងរនូវនិន្នាការប្រវត្តិសាស្ត្រដ៏ត្រឹមត្រូវរបស់ប្រទេសក្នុងតំបន់ដែលចង់ស្វែងរកសន្តិភាព វឌ្ឍនភាពនិងជំរុញកិច្ចសហប្រតិបតិ្តការ វាមិនត្រឹមតែបានបណ្តាលឱ្យឥស្សរជនគ្រប់មជ្ឈដ្ឋានក្នុងតំបន់មានការព្រួយបារម្ភយ៉ាងខ្លាំងប៉ុណ្ណោះទេ ប៉ុន្តែថែមទាំងបានរងការប្រឆាំងជាទូទៅពីសហគមន៍អន្តរជាតិផងដែរ ។ អ្វីដែលហៅថា ”ការចរចាអំពីការកំណត់ព្រំដែនសមុទ្រ”រវាងជប៉ុននិងហ្វីលីពីន គឺគ្មានភស្តុតាងផ្លូវច្បាប់ទាល់តែសោះដែលបានរំលោភបំពានយ៉ាងធ្ងន់ធ្ងរដល់សិទ្ធិនិងផលប្រយោជន៍ដែនសមុទ្ររបស់ចិន…
Read More » -
ទិវាអន្តរជាតិសម្រាប់ការសន្ទនារវាងអរិយធម៌ ៖ សាងស្ពានភ្ជាប់ដួងចិត្តនិងកិច្ចសហប្រតិបតិ្តការក្នុងយុគសម័យថ្មី
Cambodia News ទិវាអន្តរជាតិសម្រាប់ការសន្ទនារវាងអរិយធម៌ ដែលត្រូវបានអនុម័តដោយអង្គការសហប្រជាជាតិ កាលពីថ្ងៃទី១០ ខែមិថុនា ឆ្នាំ២០២៤ គឺជាព្រឹត្តិការណ៍ប្រវត្តិសាស្ត្រដ៏សំខាន់មួយ ដែលឆ្លុះបញ្ចាំងពីការយល់ឃើញរួមរបស់សហគមន៍អន្តរជាតិថា ការសន្ទនា ការយោគយល់ និង ការគោរពគ្នាទៅវិញទៅមករវាងអរិយធម៌ គឺជាមូលដ្ឋានគ្រឹះសម្រាប់ការថែរក្សាសន្តិភាព និងការអភិវឌ្ឍប្រកបដោយចីរភាពនៅលើពិភពលោក។ ទិវានេះគឺជាការប្រសូតចេញពីខ្លឹមសារនិងស្មារតី នៃគំនិតផ្ដួចផ្ដើមអរិយធម៌សកល ដែលត្រូវបានផ្តួចផ្តើមដោយលោក Xi Jinping…
Read More » -
លោក Xi Jinping អញ្ជើញចូលរួមពិធីលៀងសាយភោជន៍ដែលរៀបចំឡើងដោយលោក Kim Jong-un
Cambodia News យប់ថ្ងៃទី ៨ ខែមិថុនា នៅទីក្រុងព្យុងយ៉ាង លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន និងជាប្រធានរដ្ឋចិន និងលោកស្រី Peng Liyuan ជាភរិយាបានអញ្ជើញចូលរួមពិធីលៀងសាយភោជន៍ដែលរៀបចំឡើងដោយលោក Kim Jong-unអគ្គលេខាធិការនៃគណបក្សពលករកូរ៉េខាងជើង និងជាប្រធានក្រុមប្រឹក្សារដ្ឋកូរ៉េខាងជើង។ លោក Xi Jinping បានលើកឡើងថា ឆ្នាំនេះ ជាខួប ៦៥ ឆ្នាំនៃការចុះហត្ថលេខាលើ«សន្ធិសញ្ញាស្តីពីការជួយគ្នាទៅវិញទៅមកនិងកិច្ចសហប្រតិបត្តិការមេត្រីភាពចិន-កូរ៉េខាងជើង» ទំនាក់ទំនងចិន-កូរ៉េខាងជើងបានឈរនៅទីចាប់ផ្តើមថ្មីនៃប្រវត្តិសាស្ត្រ។ ក្នុងដំណើរទស្សនកិច្ចលើកនេះ ខ្ញុំបានឈានដល់គំនិតឯកភាពរួមដ៏សំខាន់ជាមួយលោកអគ្គលខាធិការបក្ស Kim Jong-un។ យើងបានសម្គាល់ឃើញជាឯកច្ឆន្ទថា ត្រូវក្តាប់ជាប់និន្នាការនៃយុគសម័យ ស្តីពីអនាគតនិងជោគវាសនានៃសង្គមនិយម សម្របតាមបំណងប្រាថ្នារួមរបស់ប្រជាជននៃប្រទេសទាំងពីរ បង្កើនការប្រាស្រ័យទាក់ទងជាន់ខ្ពស់ ធ្វើឱ្យស៊ីជម្រៅនូវការផ្លាស់ប្តូរខាងយុទ្ធសាស្រ្ត ត្រួសត្រាយកិច្ចសហប្រតិបត្តិប្រាកដប្រជា បង្កើនការតភ្ជាប់ដួងចិត្តប្រជាជននិងប្រជាជន ជំរុញឱ្យទំនាក់ទំងចិន-កូរ៉េខាងជើងអភិវឌ្ឍក្នុងកម្រិតខ្ពស់ ដើម្បីពួតដៃគ្នាត្រួសត្រាយអនាគតកាន់តែល្អបវរនៃបុព្វហេតុសង្គមនិយមនៃប្រទេសទាំងពីរ និងជំរុញឱ្យសង្គមមនុស្សជាតិវិវឌ្ឍរីកចម្រើនឥតឈប់ឈរ។ ជាការឆ្លើយតប លោក Kim Jong-un បានថ្លែងថា ខ្ញុំបានជួបសន្ទនាជាថ្មីម្តងទៀតជាមួយលោកអគ្គលេខាធិការបក្ស Xi Jinping បន្ទាប់ពី ៩ ខែក្រោយ យើងបានឈានដល់គំនិតឯកភាពរួមដ៏សំខាន់ស្តីពីការជំរុញទំនាក់ទំនងកូរ៉េខាងជើង-ចិនដែលប្រកបដោយអត្ថន័យក្នុងយុគសម័យថ្មីបន្ថែមទៀតក្នុងបរិបទបម្រែបម្រួលស្ថានការណ៍ថ្មី ហើយបានផ្លាស់ប្តូរមតិយោបល់យ៉ាងទូលំទូលាយអំពីបញ្ហាអន្តរជាតិនិងតំបន់ដែលយកចិត្តទុកដាក់ដូចគ្នា។ ប្រការនេះមុខជានឹងជំរុញចំណងមិត្តភាពប្រពៃណីរវាងកូរ៉េខាងជើងនិងចិនឱ្យវិវឌ្ឍរីកចម្រើនកាន់តែលឿនដើម្បីរួមចំណែកដល់សន្តិភាពនិងស្ថិរភាពក្នុងតំបន់និងពិភពលោកជាមិនខាន៕
Read More »