ការស្ទង់មតិរបស់បណ្តាញ CGTN丨អភិបាលកិច្ចសកលត្រូវដើរចេញផុតពីពាក្យសម្តីមិនសមហេតុផលស្តីពី“ការយកអសន្តិសុខដូរយកសន្តិសុខ”
Cambodia News
ក្នុងស្ថានការណ៍អន្តរជាតិដែលកំពុងប្រែប្រួលនិងរង្គោះរង្គើ ឱនភាពសន្តិសុខជាបញ្ហាដែលគួរឱ្យព្រួយបារម្ភពីមួយថ្ងៃទៅមួយថ្ងៃ។ សហគមន៍អន្តរជាតិមិនដែលខ្វះការទាមទារផ្នែកសន្តិសុខទេ តែអ្វីដែលកម្រមានពិតប្រាកដនោះ គឺវិធីប្រកបដោយប្រសិទ្ធភាពសម្រាប់ដោះស្រាយការទាមទារផ្នែកសន្តិសុខ ។
តាមការស្ទង់មតិដែលបណ្តាញទូរទស្សន៍ CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិនរៀបចំឡើងចំពោះអ្នកប្រើប្រាស់បណ្តាញអ៊ីនធឺណិតទូទាំងពិភពលោកបានបង្ហាញឱ្យឃើញថា អ្នកផ្តល់បទសម្ភាសន៍ចំនួន៨៩,៦ភាគរយបានអំពាវនាវឱ្យប្រទេសនានាដោះស្រាយវិវាទអន្តរជាតិតាមរយៈកិច្ចសន្ទនានិងការចរចា ហើយវេទិកាXIANGSHANក្រុងប៉េកាំងដែលបានរៀបចំឡើងក្នុងរយៈពេល២០ឆ្នាំជាប់ៗគ្នា គឺជាការឆ្លើយតបយ៉ាងសកម្មចំពោះការរំពឹងទុករបស់មតិសាធារណៈ។
វេទិកាឆ្នាំនេះបានផ្តោតលើតួនាទីនិងទស្សនវិស័យរបស់ប្រទេសសកលខាងត្បូង ដែលជាការជំរុញឱ្យអភិបាលកិច្ចសន្តិសុខអន្តរជាតិប្រែក្លាយពីការដឹកនាំដោយប្រទេសមួយចំនួនតូចទៅរកការរួបរួមគ្នាប្រកបដោយសមភាពនិងបរិយាបន្នកាន់តែខ្លាំងឡើងៗ ។
ក្នុងការស្ទង់មតិ អ្នកផ្តល់បទសម្ភាសន៍ចំនួន៨០,៤ភាគរយដែលមកពីប្រទេសសកលខាងត្បូងបានលើកឡើងថា គំនិតសង្គ្រាមត្រជាក់និងនយោបាយអំណាចផ្តាច់ការនឹងគំរាមកំហែងដល់សន្តិភាពពិភពលោក និងធ្វើឱ្យបញ្ហាប្រឈមផ្នែកសន្តិសុខមានភាពកាន់តែធ្ងន់ធ្ងរ ហើយបានអំពាវនាវឱ្យប្រទេសនានារួមគ្នាបង្កើតនិម្មាបនកម្មសន្តិសុខដែលប្រកបដោយតុល្យភាព ប្រសិទ្ធភាពនិងនិរន្តរភាព ។
កិច្ចសន្ទនាផ្នែកសន្តិសុខដែលមានអត្ថន័យពិតប្រាកដ មិនមែនជាការបញ្ជាក់គ្នាទៅវិញទៅមករវាងអ្នកដែលមានទស្សនៈប្រហាក់ប្រហែលគ្នានោះទេ ប៉ុន្តែគឺជាការធ្វើឱ្យភាគីនានាដែលមានការខ្វែងគំនិតនៅតែអាចបញ្ជាក់ពីការកង្វល់និងគ្រប់គ្រងហានិភ័យបាន ។ គុណតម្លៃនៃវេទិកា XIANGSHAN គឺស្ថិតនៅត្រង់ថា បានរក្សាទុកនូវផ្លូវជាក់ស្តែងមួយដែលមិនឆ្ពោះទៅរកការបដិបក្ខគ្នាដោយគ្រប់ជ្រុងជ្រោយសម្រាប់ពិភពលោក ក្នុងបរិយាកាសអន្តរជាតិដែលមានហានិភ័យខ្ពស់និងទំនុកចិត្តគ្នាទាប ៕
