ក្លិបអ្នកកាសែតកម្ពុជា បានចងក្រងក្រមសីលធម៌ និងធ្វើបច្ចុប្បន្នភាពលើចំណុចមួយចំនួន ដើម្បីជាជំនួយស្មារតីដល់អ្នកសារព័ត៌មាន
សារព័ត៌មាន Cambodia News/
ថ្ងៃចេញផ្សាយៈ May 3, 2022
ភ្នំពេញ ៖ ក្លិបអ្នកកាសែតកម្ពុជាសង្កេតឃើញថា អ្នកសារព័ត៌មានមួយចំនួនទទួលបានការបណ្តុះបណ្តាលផ្នែកវិជ្ជាជីវ:សារព័ត៌មាននិងប្រតិបត្តិក្រមសីលធម៌បានត្រឹមត្រូវ ប៉ុន្តែមួយចំនួនទៀតនៅមានកម្រិត ឬមិនបានអនុវត្តទៅតាមវិជ្ជាជីវៈនិងក្រមសីលធម៌នៅឡើយ ដែលជាហេតុធ្វើឲ្យការផ្សព្វផ្សាយរបស់ខ្លួននៅមានកម្រិត ហើយពេលខ្លះទៀត ក៏ទទួលរងនូវការរិះគន់ពីសាធារណជនយ៉ាងខ្លាំង។
ដូចនេះវាជាការចាំបាច់ណាស់សម្រាប់អ្នកសារព័ត៌មានដែលត្រូវប្រកាន់ខ្ជាប់នូវវិជ្ជាជីវៈនិងក្រមសីលធម៌ដើម្បីធ្វើឲ្យការផ្សព្វផ្សាយរបស់ខ្លួនមានតម្លៃ ជាប្រយោជន៍ដល់សាធារណៈ ដល់សង្គមជាតិ និងជាពិសេសទទួលបានជំនឿទុកចិត្តពីមហាជនទូទៅ។
ដើម្បីជាជំនួយស្មារតីដល់អ្នកសារព័ត៌មាន ក្លិបអ្នកកាសែតកម្ពុជាបានចងក្រងខ្លឹមសារក្រមសីលធម៌ និងបានធ្វើបច្ចុប្បន្នភាពលើចំណុចមួយចំនួនសំដៅធ្វើយ៉ាងណាឲ្យការងាររបស់អ្នកសារព័ត៌មានកាន់តែមានគុណតម្លៃ និងក្លាយជាប្រយោជន៍ពិតប្រាកដដល់មហាជន និងសង្គមទាំងមូល៕
