ក្រសួងវប្បធម៌ចេញសេចក្ដីណែនាំ បញ្ឈប់ផ្សព្វផ្សាយសារ មានលក្ខណៈភាពអាសអាភាស
សារព័ត៌មាន Cambodia News/
ភ្នំពេញ (១២ ឧសភា ២០២០) ៖ កាលពីពេលកន្លងមកថ្មីៗនេះក្រុមប្រឹក្សាវិន័យ និងលើកសរសើរនៃ ក្រសួងវប្បធម៌ បានចេញសេចក្តីជូនដំណឹងមួយដោយណែនាំឲ្យបញ្ឈប់ផ្សព្វផ្សាយសារគ្រប់រូបដែលមានលក្ខណៈស្រើបស្រាល អាសអាភាស អុជអាល និងប្រកាន់ពូជសាសន៍ជាដើម។
នៅក្នុងសេចក្ដីជូនដំណឹងនេះ បន្ទាប់ពីថ្មីៗនេះ ក្រុមប្រឹក្សាវិន័យ និងលើកសរសើររបស់ក្រសួងវប្បធម៌ បានសង្កេតឃើញនូវសកម្មភាពផ្សព្វផ្សាយខ្លះ តាមរយៈគេហទំព័រ និងបណ្ដាញទំនាក់ទំនងសង្គមមួយចំនួន ពិសេសអាជីវករអនឡាញ អ្នកនិពន្ធបទភ្លេង និងទំនុកច្រៀង និងអ្នកសម្ដែងក្រៅប្រព័ន្ធជាដើមបានផ្សព្វផ្សាយពីសារជារូបភាព សំឡេង និងវីដេអូប្រកបដោយអសីលញាញ។
ការណ៍នេះ គឺខុសពីក្រមសីលធម៌បង្កឲ្យមានផលប៉ះពាល់យ៉ាងធ្ងន់ធ្ងរដល់វប្បធម៌ ទំនៀមទម្លាប់ ប្រពៃណី អត្តសញ្ញា និងកិត្យានុភាពជាតិជារឿយៗ៕
