ស្លាប់មនុស្សបួននាក់,របួសធ្ងន់ម្នាក់ដោយសារដាច់រ៉តយោងនៅសំណង់សណ្ឋាគារមួយ
សារព័ត៌មាន Cambodia News/
ខេត្តប៉ៃលិន (៤ កញ្ញា ២០១៨) ៖ កាលពីម៉ោង ៧:១៥ព្រឹក ថ្ងៃទី៤ ខែកញ្ញា ឆ្នាំ២០១៨ មានករណីដាច់ខ្សែរ៉តធ្លាក់មកក្រោម បណ្ដាលឲ្យមនុស្សស្លាប់ចំនួន បួននាក់ និងរបួសធ្ងន់ចំនួនមួយនាក់ នៅចំណុចការដ្ឋានសំណង់សណ្ឋាគារ Diamond Crown និងកាស៊ីណូ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ នេះបើតាមឯកឧត្តមរដ្ឋមន្ត្រីក្រសួងព័ត៌មាន ខៀវកាញារីទ្ធ បានបញ្ជាក់នៅក្នុងគណនីហ្វេសប៊ុករបស់ឯកឧត្តមនៅមុននេះបន្តិច។
ជនរងគ្រោះសុទ្ធសឹងជាភេទប្រុសទាំងនាក់ប្រាំនាក់ គឺ ទី១- ឈ្មោះ លីម វែង អាយុ១៨ ឆ្នាំ រស់នៅ ស្រុកសន្ទុក ខេត្តកំពង់ធំ របួស បាក់ជើង បាក់ដៃ និងក្បាលធ្ងន់ធ្ងរ (ស្លាប់នៅមន្ទីរពេទ្យបង្អែក), ទី២-ឈ្មោះ តន អាយុ២៩ ឆ្នាំ រស់នៅភូមិបឹងរាំង ស្រុកកំរៀង ខេត្តបាត់ដំបងរបួស បាក់ឆ្អឹងជើងទាំងពីរ (ត្រូវយកទៅ X-ray ), ទី៣-ឈ្មោះ ធោន កក អាយុ១៩ឆ្នាំ រស់នៅស្រុកសន្ទុក ខេត្ត កំពង់ធំ (ស្លាប់) ទី៤-ឈ្មោះ ប្រាក់ ឃឿន អាយុ ៣៨ឆ្នាំ រស់នៅខេត្តបន្ទាយមានជ័យ (ស្លាប់) និងទី៥-ឈ្មោះ បុរី អាយុ២៣ ឆ្នាំ រស់នៅស្រុកប្រាសាទសំបូរ ខេត្តកំពង់ធំ ( ស្លាប់)៕
