កម្ពុជានឹងចល័តកម្លាំងអាវុធហត្ថ៨០០នាក់ទៅខេត្តកំពង់ឆ្នាំង
សារព័ត៌មាន Cambodia News/
រាជធានីភ្នំពេញ (១៨ កក្កដា ២០១៨) ៖ កម្លាំងកងរាជអាវុធហត្ថចំនួន៨០០នាក់នឹងត្រូវបញ្ជូនចេញពីសាលាកងរាជអាវុធហត្ថកំបូល និងទីបញ្ជាការដ្ឋានអាវុធហត្ថលើផ្ទៃប្រទេសឆ្ពោះទៅមជ្ឈមណ្ឌលហ្វឹកហ្វឺនភ្នំជុំរាយ ខេត្តកំពង់ឆ្នាំង ដើម្បីចូលរួមក្នុងពិធីបើកការដ្ឋានសាងសង់ទីលានបាញ់គ្រាប់ពិត។ នេះបើយោងតាមសេចក្តីប្រកាសព័ត៌មានរបស់កងរាជអាវុធហត្ថលើផ្ទៃប្រទេស។
ការចេញសេចក្តីប្រកាសព័ត៌មាននេះ ដើម្បីជាការជម្រាបជូនដល់សាធារណជនកុំឲ្យមានការភ្ញាក់ផ្អើល ខណៈដែល កម្លាំងនេះពុំមានបំពាក់អាវុធយុទ្ធភណ្ឌទេ ហើយនឹងចេញដំណើរចាប់ពីថ្ងៃទី១៩ ខែកក្កដា និងត្រឡប់មកកាន់អង្គភាពវិញនៅថ្ងៃទី២១ ខែកក្កដា ឆ្នាំ២០១៨នេះ៕
