ប្តីបែកថ្នាំយកកាំបិតកាប់ប្រពន្ធធ្លាយពោះស្លាប់
សារព័ត៌មាន Cambodia News/
កំពង់ស្ពឺ (២៥ តុលា ២០១៨) ៖ បុរសម្នាក់បែកថ្នាំយកកាំបិតកាប់ប្រពន្ធធ្លាយពោះស្លាប់នៅនឹងកន្លែងដោយសារខ្លាចប្រពន្ឋប្តឹងនគរបាលឱ្យចាប់ដាក់គុកការដែលខ្លួនសេពគ្រឿងញៀន បានបង្កឱ្យមានការភ្ញាក់ផ្អើលនៅក្នុងភូមិឃ្លាំងឃុំត្រាចទងស្រុកឧដុង្គខេត្តកំពង់ស្ពឺកាលពីល្ងាចថ្ងៃទី២៤ខែតុលាឆ្នាំ២០១៨។
មន្ត្រីនគរបាលបានឱ្យដឹងថាជនសង្ស័យត្រូវជាប្តីឈ្មោះម៉ាន់ធុនអាយុ៣៧ឆ្នាំរស់នៅក្នុងភូមិឃ្លាំងឃុត្រាចទងស្រុកឧដុង្គ។ជននោះបានយកក្រម៉ាចងដៃប្រពន្ធឈ្មោះអុលថនអាយុ៣៣ឆ្នាំហើយយកកាំបិតផ្គាក់កាប់ចំនួន៥កាំបិតបណ្ដាលឱ្យស្លាប់នៅលើផ្ទះតែម្តង។
ប្រភពបានបន្តថាមូលហេតុខឹងប្រពន្ធនិងម្ដាយក្មេកថានឹងរាយការណ៏ប្រាប់សមត្ថកិច្ចមកចាប់រឿងជក់គ្រឿងញៀន។សមត្ថកិច្ចបានឃាត់ខ្លួននិងបញ្ជូនទៅអធិការដ្ឋាននគរបាលស្រុកឧដុង្គដើម្បីចាត់ការតាមនីតិវិធី៕
