ខឹងឪអង្គុយផឹកស្រាជាមួយអ្នកជិតខាង ដែលមិនត្រូវជាមួយខ្លួនរកទៅកាប់សម្លាប់
សារព័ត៌មាន Cambodia News/
ភ្នំពេញ (០៣ មករា ២០១៧) ៖ កូនប្រុស ឃើញឪពុកអង្គុយផឹកស្រាជាមួយអ្នកជិតខាង ដែលជាមនុស្សមិនត្រូវជាមួយខ្លួន បានជេរប្រមាថ ហើយទាញពូថៅរកកាប់សម្លាប់ឪពុក ។ ហេតុការណ៍នេះកើតឡើងកាលពីវេលាម៉ោង០៨យប់ថ្ងៃទី០២ មករា ស្ថិតនៅភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។
បុរសជាឪពុកឈ្មោះហែម មុនីរដ្ឋ អាយុ៥៧ឆ្នាំ ជាន្ត្រីគយទើបចូលនិវត្តន៍ រស់នៅផ្ទះជួលភូមិកើតហេតុខាងលើ។ រីឯកូនប្រុសជាជនដៃដល់ឈ្មោះហែម ពន្លឺ អាយុ៣៦ឆ្នាំ ជាអ្នកលក់ចាប់ហួយក្នុងភូមិកើតហេតុខាងលើ។
តាមប្រភពពីឪពុកឱ្យយដឹងថា ខណៈពេលអង្គុយផឹកជាមួយអ្នកជិតខាងនោះ ស្រាប់តែកូនប្រុសឃើញឪពុកអង្គុយផឹកស្រាជាមួយ អ្នកជិតខាង ដែលជាអ្នកធ្លាប់មានទំនាស់ជាមួយគេកន្លងមក ក៏បានជេរដៀមដាម ឪពុកនូវពាក្យអសុរសសុទ្ធជេរឪពុកថា អាឆ្កែ អាថោក ឯងគ្មានកន្លែងផឹកទេឬ បានជាមកផឹកនៅកន្លែងដែលមិនត្រូវគ្នាបែបនេះ ។
ឪពុកបន្តទៀតថា ដោយសារតែគាត់ជាឪពុកធ្លាប់ធ្វើការយកប្រាក់ចិញ្ចឹមកូន លុះគាត់ចាស់ចូលនិវត្តន៍កូនប្រុស ដែលទើបតែរកស៊ីធូរធារបន្តិច បែរជាមកជេរប្រមាថគាត់ ជាឪពុកដូចសត្វធាតុបែបនេះធ្វើឲ្យគាត់មានចិត្តខឹងក៏បានដើរស្រែកថាឲ្យកូនប្រុស ។
បើអញ្ចឹងឯងសម្លាប់អញចោលទៅ ស្រាប់តែកូនប្រុសបានទាញពូថៅរកកាប់គាត់ជាឪពុកធ្វើឲ្យផ្អើលដល់ជិតខាង ប្រជាការពារ និងសមត្ថកិច្ចចុះទៅជួយអន្តរាគមន៍ ៕
