អភិបាលរងខេត្តព្រះសីហនុចំនួនពីររូបត្រូវបាននាយករដ្ឋមន្ត្រីដកតំណែង
សារព័ត៌មាន Cambodia News/
សម្តេចតេជោ ហ៊ុន សែន នាយករដ្ឋមន្ត្រីបានចេញអនុក្រឹត្យបញ្ចប់តំណែងអភិបាលរងខេត្តព្រះសីហនុចំនួនពីររូប គឺលោកផៃ ប៊ុនវណ្ណៈ ឋានន្តរស័ក្តិឧត្តមមន្ត្រី ថ្នាក់លេខ៥ និងលោកស្រ៊ន់ ស្រ៊ុន ឋានន្តរស័ក្តិឧត្តមមន្ត្រី ថ្នាក់លេខ៣។ នេះបើយោងតាមអនុក្រឹត្យចុះថ្ងៃទី០១ ខែមីនា ឆ្នាំ២០១៩ ។
ទាក់ទងការដកតំណែងនេះសម្តេចតេជោ ហ៊ុន សែន បានសរសេរនៅក្នុងផេកហ្វេសប៊ុកថា”ថ្ងៃនេះខ្ញុំបង្ខំចិត្តអនុវត្តន៍អភិក្រមទី៥គឺការវះកាត់ដោយដកអភិបាលរងខេត្តព្រះសីហនុពីររូបចេញពីតំណែង។ខ្ញុំត្រូវតែយកគ្រាប់គ្រួសនិងខ្សាច់ចេញពីស្បែកជើងទើបអាចដើរទៅមុខទៀតបាន។ខ្ញុំគ្មានពេលនិយាយច្រើនជាមួយមន្ត្រីខិលខូចទៀតទេព្រោះខ្ញុំបានអប់រំពួកគេច្រើនហើយ។ដល់ពេលនេះខ្លាក៏ត្រូវវាយពស់ក៏ត្រូវវាយកណ្តុរក៏ត្រូវវាយរុយក៏ត្រូវវាយតែបំពានលើផលប្រយោជន៍ប្រជាជន៕
