រថយន្ដដឹកដីបុកស្ដ្រីម្នាក់ស្លាប់ភ្លាមៗនៅកន្លែងកើតហេតុ
ភ្នំពេញ ៖ កាលពីវេលាម៉ោង៣ និង១០នាទីរសៀលថ្ងៃទី០៨ ខែកុម្ភៈ ស្ដ្រីម្នាក់មិនទាន់ស្គាល់អត្ដ សញ្ញាណ ត្រូវរថយន្ដដឹកដីមួយគ្រឿងបុកចំ ពីក្រោយ ហើយកិនស្ទើរដាច់ខ្លួនជាពីរ ដោយធ្លាយចេញពោះវៀននិងគ្រឿងក្នុង គួរ បណ្ដាលឱ្យស្លាប់ភ្លាមៗ នៅកន្លែងកើតហេតុស្ថិតនៅតាមផ្លូវហាណូយ ភូមិត្រពាំងស្វាយ សង្កាត់ភ្នំពេញ ខណ្ឌសែនសុខ ។
សេចក្ដីរាយការណ៍ពីកន្លែងកើតហេតុ បានឱ្យដឹងថា ខណៈជនរងគ្រោះមិនទាន់ ស្គាល់ឈ្មោះ កំពុងជិះម៉ូតូម៉ាកស្មាស់ ពណ៌ខ្មៅ ពាក់ស្លាកលេខភ្នំពេញ 1S-4048 លុះមក ដល់ចំណុចកើតហេតុ ក៏ត្រូវរថយន្ដដឹកដី មួយគ្រឿង បុកចំពីក្រោយហើយកិន បណ្ដាលបែកខ្លួនជាពីរ មើលទៅគួរឱ្យរន្ធត់ យ៉ាងខ្លាំង ស្លាប់ភ្លាមៗនៅ កន្លែងកើតហេតុ តែម្ដង។
សមត្ថកិច្ចបានឱ្យដឹងថា ក្រោយបង្កគ្រោះ ថ្នាក់ចរាចរ រថយន្ដដឹកដី បានបើកចូលការដ្ឋានសំណង់នៅក្បែរនោះ ហើយជនរងគ្រោះ ត្រូវបានសមត្ថកិច្ចកំពុង ទាក់ទងទៅក្រុមគ្រួសារ ដើម្បីមកទទួលសព៕
ដោយ៖ ហេង នាង
