អាមេរិកទម្លាក់គ្រាប់បែកលើឃ្លាំងស្តុកអាវុធគីមីរបស់រដ្ឋអ៊ីស្លាម
សារព័ត៌មាន Cambodia News/
អ៊ីរ៉ាក់ (១៤ កញ្ញា ២០១៦) ៖ យោធាអាមេរិកកាលពីម្សិលមិញបានបញ្ចេញរូបភាពវីដេអូមួយ បង្ហាញពីកងកម្លាំងអាកាសរបស់សហរដ្ឋអាមេរិក ធ្វើប្រតិការណ៍ទម្លាក់គ្រាប់បែកតាមដែនអាកាស លើឃ្លាំងស្តុកអាវុធគីមីមួយក្នុងភាគខាងជើងប្រទេសអ៊ីរ៉ាក់កាលពីថ្ងៃច័ន្ទ។
នៅចុងឆ្នាំនេះកងកម្លាំងចម្រុះនឹងត្រៀមវាយរុញច្រាន ដណ្ដើមយកទីក្រុងម៉ូស៊ូលមកវិញដែលជាទីក្រុងធំបំផុត ស្ថិតក្រោមការក្ដោបក្ដាប់របស់ក្រុមសកម្មប្រយុទ្ធរដ្ឋអ៊ីស្លាម។
ទាហានអាមេរិកកំពុងស្ថាបនាបន្ទាយកងទ័ពមួយនៅភាគខាងត្បូង ខណៈអង្គការសហប្រជា ជាតិព្រមានពីសហប្រតិបត្តិការណ៍មនុស្សធម៌ស្មុគស្មាញបំផុតរបស់ពិភពលោកនៅឆ្នាំនេះ។
អ្នកប្រយុទ្ធរដ្ឋអ៊ីស្លាមបានបាត់បង់ដែនដីជាងពាក់កណ្ដាល ដែលពួកគេបានរឹបអូសក្នុងប្រទេសអ៊ីរ៉ាក់ ក៏ដូចជាក្នុងប្រទេសជិតខាងស៊ីរី ប៉ុន្តែពួកគេនៅតែត្រៀមទប់ទល់ជានិច្ច ដើម្បីកាន់កាប់រដ្ឋធានីម៉ូស៊ូល និងរ៉ាកកា ជានិមិត្តរូបនៃរដ្ឋដែលពួកគេបានស្វែងរក ការបង្កើតឡើងជារដ្ឋអ៊ីស្លាមមួយនៅភាគកណ្ដាលតំបន់មជ្ឈិមបូព៌ា៕
