ស្រីមុំចូលខ្លួនបំភ្លឺពាក់ព័ន្ធនឹងសំណុំរឿងសញ្ចារកម្ម
សារព័ត៌មាន Cambodia News/
នៅព្រឹកថ្ងៃទី១៦ ខែមិថុនា នេះ កញ្ញា ខុម ចាន់តារ៉ាទី ហៅស្រីមុំ ជាមួយមេធាវីការពារសិទ្ធិរបស់នាងគឺ លោក គឹម វាសនា បានចូលខ្លួនបំភ្លឺតាមដីកាកោះហៅរបស់លោក សៀង សុខ តំណាងអយ្យការអមសាលាដំបូងរាជធានីភ្នំពេញហើយ ដោយការចូលខ្លួនបកស្រាយបំភ្លឺរបស់ស្រីមុំ នៅចំពោះមុខតំណាងអយ្យការនេះ
គឺពាក់ព័ន្ធនឹងអំពើសញ្ចារកម្មក្នុងនាមជាដើមបណ្តឹងប្តឹង លោក កឹម សុខា អនុប្រធានគណបក្សសង្គ្រោះជាតិ។
ស្រីមុំ និង លោកកឹម សុខា ដែលត្រូវបាន តំណាងអយ្យការនិងចៅក្រមស៊ើបសួរសាលាដំបូងក្រុងភ្នំពេញចេញដីកាកោះហៅ ជាច្រើនលើកច្រើនសារនោះបានបង្ហាញខ្លួនតាមការកោះហៅ ខណៈដែលលោក កឹម សុខាបានបដិសេធម្តងហើយម្តងទៀតថាមិនចូលខ្លួនបំភ្លឺជាដាច់ខាត រហូតដល់ថ្ងៃទី១៤ ខែមិថុនា ឆ្នាំ២០១៦ ក៏លោក កឹម សុខាមិនព្រមចូលខ្លួនតាមកោះហៅរបស់ចៅក្រមស៊ើបសួរដែរ៕
