លោក ហ៊ុន សែន បន្ទោសអង្គរក្សមួយរូប ដែលមិនចេះរបៀបការពារ
សារព័ត៌មាន Cambodia News/
ភ្នំពេញ (២៥ កញ្ញា ២០១៥) ៖ លោកនាយរដ្ឋមន្ត្រី ហ៊ុន សែន នៅថ្ងៃព្រហស្បតិ៍នេះ បានសម្តែងភាពខឹងសម្បារនឹងអង្គរក្សមួយរូប ដែលលោកចាត់ទុកថាជាអង្គរក្សឡឺកឺព្យាយាមការពាររូបលោកខុសរបៀប និងហួសហេតុ។
លោកនាយករដ្ឋមន្ត្រីលើកឡើងបែបនេះជាការចាប់ផ្តើមថ្លែងសុន្ទរកថា នៅពេលលោកចូលរួមពិធីចែកសញ្ញាបត្រដល់និស្សិតសាកលវិទ្យាល័យចម្រើនបច្ចេកវិទ្យានៅកោះពេជ្រ ព្រឹកថ្ងៃទី២៥ខែកញ្ញានេះ។
លោក ហ៊ុន សែន ថ្លែងបន្ទោសអង្គរក្សមួយរូបថាជាអង្គរក្សឡឺកឺ មិនចេះរបៀបការពារ បណ្តាលឲ្យលោកមិនអាចជួបអ្នកចូលរួមឲ្យបានត្រឹមត្រូវ។ លោកបន្ត អង្គរក្សមួយរូបនោះ ចេះតែចេញមុខមកបាំងរូបលោក ពេលធ្វើដំណើរ ដែលហាក់ឃើញថា អ្នកចូលរួមសំពះអង្គរក្សមួយរូបនោះ មិនមែននាយករដ្ឋមន្ត្រីនោះទេ។
លោកនាយករដ្ឋមន្ត្រីបន្តថា កុំឲ្យខ្លាចពេក បើគេចង់បាញ់ ថាតើអង្គរក្សអាចទប់ជាប់ទេ។លោកបញ្ជាកុំឲ្យអង្គរក្សមួយរូបនោះចេញមុខការពារហួសហេតុ និងបញ្ជាឲ្យមេអង្គរក្សយកទៅណែនាំពីរបៀបការពារសាជាថ្មី៕
