សាសា បង្ហោះវីដេអូឃ្លីប បកស្រាយរឿង បើករថយន្ត បុកជាមួយ ជនបរទេស (មានវីដេអូ)
សារព័ត៌មាន Cambodia News/
ហ្វេសប៊ុក (១៩ ឧសភា ២០១៥) ៖ កាលពីថ្មីៗនេះ បន្ទាប់ពីមាន ទាក់ទង ទៅនឹងគ្រោះថ្នាក់ចរាចរណ៍ ករណីប៉ះទង្គិច រវាងរថយន្ត របស់អតីតពិធីការិនី កញ្ញា សាសា ជាមួយម៉ូតូរបស់ជនបរទេស កញ្ញា សាសាបានចេញមុខបកស្រាយ តាមរយៈវីដេអូឃ្លីប បង្ហោះនៅលើទំព័រហ្វេសប៊ុក អំពីមូលហេតុ ដែលនាំឲ្យកើតមាន គ្រោះថ្នាក់ចរាចរណ៍មួយនោះ។ [ អានបន្ត ]
តាមរយៈវីដេអូ មួយនេះ កញ្ញា សាសា បានបញ្ជាក់ថា នាងទទួលស្គាល់ ថាពេលនោះ នាងពិតជា បានបើករថយន្ត ក្នុងល្បឿនលឿនមែន តែនាងមិនបាន បើកទៅបុក ម៉ូតូជនបរទេសនោះទេ ផ្ទុយទៅវិញ គឺជនបរទេសទៅវិញទេ ដែលបានជិះមកបុក រថយន្តរបស់នាង ព្រោះថាពេលនោះ ជនបរទេសកំពុង តែនិយាយគ្នា លើម៉ូតូ និងជិះក្នុងល្បឿនលឿនថែមទៀត។
តាមរយៈវីដេអូ នេះផងដែរ នាងបានបញ្ជាក់ថា ការរិះគន់របស់ មហាជន ដែលថានាងគេចវេស មិនចង់ទទួល ខុសត្រូវនោះ គឺជារឿង មិនពិត ព្រោះថា នាងបាននិយាយ សម្រុះសម្រួល ជាមួយនឹង គ្នីគ្នា របស់ជនបរទេសនោះហើយ ដើម្បីបញ្ចប់រឿង មុននឹងធ្វើការ ចាកចេញពី ទីកន្លែងកើតហេតុ នោះ៕
