កិច្ចប្រជុំរកដំណោះស្រាយលើបញ្ហានយោបាយ រវាងគណបក្សទាំងពីរបានចាប់ផ្តើមហើយ
សារព័ត៌មាន Cambodia News/
ភ្នំពេញ (២២ កក្កដា ២០១៤) ៖ លោកនាយករដ្ឋមន្ត្រី ហ៊ុន សែន តំណាងឲ្យគណបក្សប្រជាជនកម្ពុជា(CPP) នៅវេលាម៉ោងជាង៩ព្រឹកថ្ងៃអង្គារ នេះ ចាប់ផ្តើមការចរចាជាមួយលោក សម រង្ស៊ី ប្រធានគណបក្សសង្គ្រោះជាតិ(CNRP)។
សមាសភាពគណបក្សប្រជាជនកម្ពុជា មានលោក ហ៊ុន សែន លោក សាយ ឈុំ លោក ស ខេង លោក ប្រាក់ សុខុន លោក ព្រុំ សុខា លោក សោម សឿន លោក សក់ សេដ្ឋា និង លោក កើត រឹទ្ធ។
ចំណែកសមាសភាពពីគណបក្សសង្គ្រោះជាតិ រួមមាន លោក សម រង្ស៊ី លោក កឹម សុខា លោក ប៉ុល ហំម លោក យឹម សុវណ្ណ លោក យ៉ែម បុញ្ញឫទ្ធិ លោក សុន ឆ័យ លោក គួយ ប៊ុនរឿន និង លោក អេង ឆៃអ៊ាង។
ប្រធានបទសំខាន់ៗចំនួន៤ ដែលគណបក្សទាំងពីរនឹងចរចារកដំណោះស្រាយ គឺកំណែទម្រង់ការបោះឆ្នោត កាលបរិច្ឆេទការនៃថ្ងៃបោះឆ្នោត កំណែទម្រង់ក្នុងស្ថាប័នរដ្ឋសភា និងកំណែទម្រង់ស្ថាប័នជាតិ៕
