ស្គាល់គ្នាតាម ហ្វេសប៊ុក នាំគ្នាឡើងផ្ទះសំណាក់ត្រូវឪពុកម្តាយខាងស្រីចាប់ខ្លួនឲ្យសមត្ថកិច្ច
សារព័ត៌មាន Cambodia News/
ភ្នំពេញ (០១ កក្កដា ២០១៤) ៖ យុវជនម្នាក់ត្រូវបានអាណាព្យាបាលខាងស្រី ចាប់ខ្លួនប្រគល់ឲ្យសមត្ថកិច្ចនគរបាលការិយាល័យប្រឆាំងការជួញ ដូរមនុស្ស និងការពារអនីតិជន រាជធានីភ្នំពេញ កាលពីថ្ងៃទី៣០ មិថុនា ២០១៤ ដោយចោទប្រកាន់ថា បានរួមភេទជាមួយអនីតិជនក្រោមអាយុ១៥ឆ្នាំ ។
យុវជនរូបនោះឈ្មោះធៀង សុភាព ហៅគោ អាយុ១៩ឆ្នាំ ស្នាក់នៅផ្ទះលេខ២៥A ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរសិស្ស ។
នៅចំពោះមុខសមត្តកិច្ចយុវជនជាប់សង្សយ័បានរៀប រាប់ឲ្យដឹងថា រូបគេបានស្គាល់នាង អាយុ១៤ឆ្នាំ ជិត១ឆ្នាំហើយតាមរយៈលេងហ្វេសប៊ុក ហើយបានស្រឡាញ់គ្នា រហូតមានការស្រុះស្រួលគ្នាទៅដេករួមភេទនៅផ្ទះសំណាក់បានចំនួន៣ដង ។
ទោះជាយ៉ាងណា យោងតាមរបាយការណ៍របស់សមត្ថកិច្ច ដែលបានរៀបចំបញ្ជួនយុវជនរូបនេះទៅសាលាដំបូងរាជធានីភ្នំពេញ បានបញ្ជាក់ច្បាស់ថាជាករណីរួមភេទជាមួយអនីតិជនក្រោមអាយុ១៥ឆ្នាំ នឹងត្រូវទទួលទោស៕
